तू
तू म्हणजे
युगायुगांच्या अंधारातून
उगवलेला सूर्य
तू म्हणजे
कोट्यवधी मुक्या जीवांना
मिळालेली वाचा
तू म्हणजे
हजारो वर्षांच्या गुलामगिरीचे
तुटलेले बेडीबंद
तुझी लेखणी
तुझी लेखणी
तलवारीपेक्षा धारदार
तुझी लेखणी
तोफेपेक्षा घनघोर
तुझी लेखणी
मनुस्मृतीच्या छाताडावर
चालवलेला हातोडा
तू दिलास
तू दिलास आम्हाला
माणूस म्हणून जगण्याचा अधिकार
तू दिलास आम्हाला
स्वाभिमानाचा श्वास
तू दिलास आम्हाला
भविष्याचा प्रकाश
आता आम्ही
माना खाली घालून जगणार नाही
आता आम्ही
भीक मागणार नाही
आता आम्ही
तुझ्या स्वप्नांचा भारत
घडवू पाहतो..
..कवी यशवंत मनोहर
