अक्कलकोट ( प्रतिनिधी )अक्कलकोट तालुक्यातील मौजे उडगी ते तोळणूर हा रस्ता आठ – दहा वर्षापासून खराब होता. मौजे उडगी ते तोळणूर या रस्त्याच्या नूतनीकरणाचे काम सन २०२३ साली सुरू झाले होते. सदर काम हे ठेकेदाराने अर्धवट स्थितीत सोडले आहे. यामुळे उडगी आणि तोळनूर परिसरातील गावकरी व शेतकरी यांचे अतोनात हाल होत आहेत. उडगी – तोळणूर रस्ता हा खराब असल्याने या रस्त्यावरून वाहन चालकांना मोठी कसरत करावी लागत आहे .या रस्त्याच्या कामाची चौकशी करून कामास सुरुवात करावे. तसेच सदरच्या रस्त्याचे काम करणाऱ्या ठेकेदारावर कारवाई करावी अशी मागणी उडगी आणि तोळणूर भागातील गावकऱ्यांनी व शेतकरी बांधवांनी केले आहे. सदरचे काम आठ दिवसात सुरु न केल्यास सार्वजनिक बांधकाम विभाग जिल्हा परिषद कार्यालयासमोर ठिय्या आंदोलन करण्यात येईल असे निवेदन सार्वजनिक बांधकाम विभाग जिल्हा परिषदेच्या अक्कलकोट उपअभियंता उषा बिडला यांना देण्यात आले. याप्रसंगी उडगी येथील सामाजिक कार्यकर्ते गणेश नारायणकर , तोळनूर येथील राष्ट्रवादी काँग्रेसचे जिल्हा सदस्य पिरपाशा पिरजादे , विश्वनाथ बिराजदार , लक्ष्मण कोळी , शातरान पठाण आदी उपस्थित होते.
