धार्मिक
बृहन्मुंबईच्या महापौर- रितुताई तावडे यांचा श्री स्वामी समर्थ अन्नछत्र मंडळातर्फे सत्कार
अक्कलकोट : (प्रतिनिधी)
श्री स्वामींचे मुळस्थान श्री क्षेत्र अक्कलकोट येथे श्री स्वामींच्या इंच्छेनेच श्री स्वामी समर्थ अन्नछत्र मंडळ स्थापन झाले असून, या ठिकाणी दैनंदिन दोन्ही वेळेस हजारोंच्या संख्येने स्वामी भक्त महाप्रसादाचा लाभ घेतात ही बाब उल्लेखनीय असून, न्यासाचे संस्थापक अध्यक्ष- जनमेजयराजे विजयसिंहराजे भोसले यांच्या मार्गदर्शनाखाली न्यासाचे स्वामी कार्य सातासमुद्रापार गेल्याचे मनोगत बृहन्मुंबईच्या महापौर- रितुताई तावडे यांनी व्यक्त केल्या.
त्या न्यासाचे संस्थापक अध्यक्ष- जनमेजयराजे विजयसिंहराजे भोसले यांच्या प्रमुख उपस्थितीत घाटकोपर (पूर्व) येथील गोकुळ अष्टमी कार्यक्रमानिमित्त आयोजित कार्यक्रमाप्रसंगी रितुताई तावडे यावेळी बोलत होत्या. या प्रसंगी घाटकोपर (मुंबई) चे आमदार पराग शहा, गुजराती जैन समाजाचे अध्यक्ष-हरेन मर्चंट मुंबई, नगरसेवक धर्मेश गिरी घाटकोपर हे प्रमुख उपस्थित होते.
या प्रसंगी महापौर- रितुताई तावडे यांचा सत्कार न्यासाचे संस्थापक अध्यक्ष- जनमेजयराजे विजयसिंहराजे भोसले यांच्या हस्ते श्रींची मूर्ती, छत्रपती शिवाजी महाराजांची सुबक, रेखीव प्रतिमा देऊन सत्कार करण्यात आला. या बरोबरच संस्थापक अध्यक्ष- जनमेजयराजे विजयसिंहराजे भोसले यांचा सत्कार गुजराती समाजाच्या वतीने करण्यात आला.
याप्रसंगी अन्नछत्र मंडळाचे विश्वस्त संतोष भोसले, योगेश वाघमारे (मुंबई), शिवराज स्वामी, मैनुद्दीन कोरबू, सर्फराज शेख, प्रशांत साठे, महांतेश स्वामी, श्रीशैल कुंभार, कुणाल भालेकर (मुंबई), आदीजण उपस्थित होते.
