म. नि. प्र. डॉ. शांतलिंगेश्वर महास्वामीजींच्या हस्ते लोकार्पण .
अक्कलकोट ( प्रतिनिधी )
“जनसेवा हीच खरी ईश्वरसेवा आहे. दुःखाच्या काळात कुटुंबाच्या पाठीशी खंबीरपणे उभे राहणे हीच खरी सामाजिक बांधिलकी ठरतेअसे प्रतिपादन श्री म. नि. प्र. डॉ. शांतलिंगेश्वर महास्वामीजी यांनी केले. दुधनी व परिसरातील नागरिकांच्या सेवेसाठी जन्मभूमी फाउंडेशनच्या वतीने उपलब्ध करून देण्यात आलेल्या नूतन ‘स्वर्ग रथ’ (शव वाहिनी) लोकार्पण सोहळ्याप्रसंगी ते बोलत होते.
दुधनी शहर आणि लगतच्या ग्रामीण भागात अंत्यविधीच्या वेळी किंवा पार्थिव ने-आण करण्यासाठी योग्य वाहनाची वेळेवर उपलब्धता होणे अत्यंत गरजेचे असते. ही बाब लक्षात घेऊन जन्मभूमी फाउंडेशनने पुढाकार घेत सर्व आधुनिक सोयी-सुविधांनी सज्ज अशा ‘स्वर्ग रथ’ शव वाहिनीची व्यवस्था केली आहे. या सेवेचा लोकार्पण सोहळा डॉ. शांतलिंगेश्वर महास्वामीजी यांच्या शुभहस्ते व आशीर्वादाने पार पडला.
सेवेची ठळक वैशिष्ट्ये
२४ तास तत्पर सेवा दुधनी शहर व परिसरातील ग्रामीण भागातील नागरिकांसाठी ही सेवा अखंडितपणे उपलब्ध राहील.
आधुनिक सोयी-सुविधा: अंत्ययात्रेसाठी आवश्यक असणाऱ्या सर्व सोयींनी युक्त सुसज्ज वाहन.
तातडीने उपलब्धता: गरजेच्या वेळी नागरिकांना वेळेत सहकार्य मिळावे यासाठी नियोजनबद्ध यंत्रणा.
या लोकार्पण प्रसंगी जन्मभूमी फाउंडेशनचे सर्व पदाधिकारी, सदस्य आणि दुधनी ग्रामस्थ मोठ्या संख्येने उपस्थित होते. आवश्यकतेनुसार नागरिकांनी या सेवेसाठी संपर्क साधावा, असे आवाहन संस्थेतर्फे करण्यात आले आहे.
