मैंदर्गी येथे महापारेषणच्या नवीन १३२/३३ के.व्ही. क्षमतेच्या अतिउच्चदाब उपकेंद्राला तत्त्वतः मंजुरी , आमदार कल्याणशेट्टी यांचा पाठपुरावा

मैंदर्गी येथे महापारेषणच्या नवीन १३२/३३ के.व्ही. क्षमतेच्या अतिउच्चदाब उपकेंद्राला तत्त्वतः मंजुरी मिळाली असून, अक्कलकोट तालुक्यातील ५२ गावांतील शेतकरी आणि ग्रामस्थांसाठी ही अत्यंत दिलासादायक बातमी आहे. गेली अनेक वर्षे कमी दाबाचा वीजपुरवठा, तांत्रिक बिघाड आणि वारंवार खंडित होणाऱ्या विजेमुळे आपल्या बळीराजाला खूप त्रास सहन करावा लागत होता. परंतु, आमदार  सचिन कल्याणशेट्टी यांच्या सततच्या पाठपुराव्याला मोठे यश आले असून या जिव्हाळ्याच्या प्रश्नावर अखेर कायमस्वरूपी तोडगा निघाला आहे. या महत्त्वपूर्ण निर्णयामुळे दुधनी, मैंदर्गी, बोरोटी आणि मिरजगी उपकेंद्रांवरील विजेचा भार कमी होऊन परिसरातील वीजपुरवठा अधिक सक्षम आणि सुरळीत होईल. परिणामी, तालुक्यातील ५२ गावांतील शेतकऱ्यांना शेतीसाठी दर्जेदार, स्थिर आणि अखंडित वीज उपलब्ध होईल. यातून कृषी उत्पादनात वाढ होण्यास मदत मिळण्याबरोबरच आपल्या ग्रामीण अर्थव्यवस्थेलाही मोठी बळकटी मिळणार आहे. अक्कलकोट तालुक्याच्या सर्वांगीण विकासासाठी आणि शेतकऱ्यांच्या हितासाठी उचललेले हे पाऊल खरोखरच कौतुकास्पद असून, या पाठपुराव्याबद्दल आमदार सचिन कल्याणशट्टी  यांचे  ग्रामस्थानी आभार मानले आहेत.