सामाजिक
राजकीय जीवन प्रवासात समर्थांचे व तालुक्यातील जनतेचे आशिर्वाद मोलाचे – आमदार सचिन कल्याणशेट्टी
अक्कलकोट ( प्रतिनिधी )
मी व माझे संपूर्ण कल्याणशेट्टी कुटूंबातील सदस्य श्री स्वामी समर्थांचे निस्सिम भक्त आहोत. आपल्या आज पर्यंतच्या राजकीय व सामाजिक कार्यात स्वामी समर्थांचे व तालुक्यातील जनतेचे आशिर्वाद खुप मोलाचे असल्याचे मनोगत तालुक्याचे विद्यमान आमदार सचिन कल्याणशेट्टी यांनी व्यक्त केले. आ.सचिन कल्याणशेट्टी यांनी आपल्या वाढदिवसा प्रित्यर्थ आज येथील श्री वटवृक्ष मंदीरात येऊन सांस्कृतिक मंत्री आ.आशिष शेलार व मंदीर समितीचे चेअरमन महेश इंगळे यांच्या सान्निध्यात श्री स्वामी समर्थांचे मनोभावे दर्शन घेतले. यावेळी मंदीर समितीच्या वतीने समितीचे चेअरमन महेश इंगळे यांनी आ.सचिन कल्याणशेट्टी यांचा श्री स्वामी समर्थांचे कृपावस्त्र, प्रसाद, प्रतिमा देवून यथोचित सत्कार करुन शुभेच्छा दिल्या.
यावेळी आ.कल्याणशेट्टी बोलत होते.
पुढे बोलताना आ.कल्याणशेट्टी
माझ्या वाढदिवसानिमीत्त तालुक्यातील जनतेने माझ्या प्रती व्यक्त केलेले प्रेम व शुभेच्छा मी अत्यंत मनापासून स्विकारून जनतेने मला तालुक्यातील लोक प्रतिनिधीच्या माध्यमातून लोकसेवेची संधी दिल्याबद्दल मी श्री स्वामी समर्थांच्या चरणी नतमस्तक होण्याकरीता येथे आलो आहे. सर्वांचे प्रेम, शुभेच्छा स्विकारुन व मंदीर समितीचे चेअरमन महेश इंगळे यांची भक्कम साथ व श्री स्वामी समर्थांचे आशिर्वाद पाठीशी घेऊन यापुढील जीवन वाटचाल करणार आहे. तालुक्यात आणखीन जोमाने कार्य करण्यास स्वामी समर्थांनी आपणांस आशिर्वाद द्यावे याकरीता आज आपल्या वाढदिवसा प्रित्यर्थ श्री स्वामी समर्थांचे दर्शन घेऊन साकडे घातले असल्याचे मनोगत व्यक्त केले. यावेळी प्रथमेश इंगळे, शिवशरण जोजन, मोतीराम राठोड, मा.नगरसेवक मिलन कल्याणशेट्टी, राजू झिंगाडे, मनोज कल्याणशेट्टी, व्यंकटेश पुजारी, मंदिर समितीचे सचिव आत्माराम घाटगे, विश्वस्त महेश गोगी, संपतराव शिंदे, चंद्रकांत गवंडी, संतोष जमगे, ऋषिकेश लोणारी, श्रीशैल गवंडी, गिरीश पवार, सिध्दाराम कुंभार, संजय पवार, प्रसाद सोनार आदिसह भारतीय जनता पार्टीचे कार्यकर्ते मोठ्या संख्येने उपस्थित होते.
