अक्कलकोट ( प्रतिनिधी ) अक्कलकोट तालुक्यातील कोन्हाळी गावचे तंटामुक्त समिती अध्यक्ष तथा आंबेडकर चळवळीतील सामाजिक कार्यकर्ते रविराज गायकवाड ( वय ४५ ) यांचे रविवारी अपघाती निधन झाले..त्यांच्या पश्चात आई ,पत्नी , एक मुलगा , एक मुलगी , भाऊ असा परिवार आहे. रविराज गायकवाड हे अक्कलकोट तालुक्यात आंबेडकरी चळवळीमध्ये सक्रिय कार्यकर्ते होते. त्यांनी बहुजन समाज पार्टी व रिपब्लिकन पार्टी यांचे अक्कलकोट तालुका अध्यक्ष पदाची धुरा सांभाळली होती. रविराज गायकवाड हे कोन्हाळी गावचे तंटामुक्त समितीचे अध्यक्ष होते.त्यांच्या निधनामुळे अक्कलकोट तालुक्यात हळहळ व्यक्त केले जात आहे.रविराज गायकवाड यांच्या पार्थिवावर सोमवारी सायंकाळी कोन्हाळी येथे अंत्यसंस्कार करण्यात आले. यावेळी राजकीय ,सामाजिक व इतर क्षेत्रातील प्रतिष्ठित नागरिक मोठ्या संख्येने उपस्थित होते.
