सातारा:-
माण तालुक्यातील मोही गावात अन्न व औषध प्रशासनाचा (एफ.डी.ए.)(F.D.A.) छापा पडणार असल्याच्या केवळ एका अफवेने दूध संकलन करणाऱ्यांची चांगलीच पळापळ झाली.कारवाईच्या आणि दंडाच्या भीतीने घाबरलेल्या दूध संकलन चालकांनी संकलित केलेले शेकडो लिटर दूध थेट रस्त्याच्या कडेला ओतून दिल्याची धक्कादायक घटना घडली आहे.
गावातील दूध संकलन केंद्रावर रोजच्या प्रमाणे शेतकऱ्यांकडून दूध गोळा करण्यात आले होते.मात्र, दुपारी अचानक ‘तालुक्यात अन्न व औषध प्रशासनाचे पथक दाखल झाले असून,दूध डेअऱ्यांची तपासणी सुरू आहे अशी बातमी वाऱ्यासारखी पसरली.
ही माहिती मिळताच काही दूध संकलन चालकांचे धाबे दणाणले.प्रशासकीय पथक आले असून,केंद्रावर येऊन दुधाचे नमुने घेईल आणि त्यात काही निष्पन्न झाल्यास मोठी कारवाई होईल या भीतीने एका गावातील संकलन चालकाने दुधाचे कॅनच्या कॅन थेट रस्त्याच्या कडेला आणि गटारात ओतून रिकामे केले.पांढरे शुभ्र दूध रस्त्यावरून वाहताना पाहून स्थानिक ग्रामस्थही अवाक् झाले.
या संकलन केंद्रांची व चालकांची चौकशी व्हावी,
अशी मागणी करण्यात आली आहे.
