राजकीय
तडवळ भागाच्या सर्वांगीण विकासासाठी सिद्धाराम म्हेत्रे यांना निवडुन द्या – सिद्रामप्पा पाटील
ही माझी शेवटची निवाडणुक अशी भावनिक साद
माजी आमदार सिद्रामप्पा पाटलांना अश्रु अनावर
अक्कलकोट ( प्रतिनिधी )
गेल्या वेळेल्या साधा जिल्हा परिषद , पंचायत समिती मेंबर नसलेल्या सचिन कल्याणशेट्टी यांना आम्ही आमदार म्हणून निवडुन आणले. युवक आहे काहीतरी करील म्हणुन या तडवळ भागातुन नऊ हजार मतांची आघाडी दिली होती. आमदार झाल्यावर तालुक्यातल्या सर्वच रस्त्याच्या कामांसाठी कोट्यावधी रूपये निधी खर्च करूनही रस्त्याच्ची कामे निकृष्ट झाली आहेत. फक्त ३० टक्के रकमेतच कामे झाली आहेत. दुप्पट तिप्पट रक्कम दिलेले नुसते कागदावर आहे. तडवळ, मुंढेविडी, कोर्सेगांव या भागातील रस्त्यावर खड्डे पडले आहेत. खराब झाले आहेत. तडवळ भागातील नेत्यांसाठी आम्ही कोर्ट कचे-या केले, आर्थिक मदत केली. त्यांना उभे केले. आता त्यांना पैशाचे आमिष देऊन आमच्या कार्यकर्तांना फोडण्याचे काम हे करत आहेत. तडवळ भागात आता तीन नेते झाले आहेत जे पैशामुळे तिकडे गेले आहेत. माझी ही शेवटची निवडणुक आहे. यावेळेस एकदा सिद्धाराम म्हेत्रे यांना निवडून द्या असे आवाहन माजी आमदार सिद्रामप्पा पाटील यांनी केले. करत भावनिक झाले.
काँग्रेस महाआघाडीचे उमेदवार सिद्धाराम म्हेत्रे यांच्या प्रचारार्थ जयशंकर प्रशाला तडवळ मैदान येथे रविवारी सभा आयोजित करण्यात आली होती. त्या सभेला संबोधित करताना भाजपाचे माजी आमदार सिद्रामप्पा पाटील बोलत होते. यावेळी काँग्रेस महाआघाडीचे उमेदवार सिद्धाराम म्हेत्रे, सजीव पाटील, शिवानंद पाटील, आनंद बुक्कानुरे, शिवसिद्ध बुळ्ळा, शरणप्पा माशाळे, बाबुशा कोडते, शिवमुर्ती विजापुरे, शिवयोगी स्वामी, महांतेश हत्तुरे, शिवयोगी लालसंगी, महादेव पाटील, प्रकाश पाटील, प्रकाश हिप्परगी, व्यंकट मोरे, दत्ता थोरे, मल्लिकार्जुन नागशेट्टी आदिसह काँग्रेस महाविकास आघाडीचे पदाधिकारी कार्यकर्ते मोठ्या संख्येने उपस्थित होते. यावेळी आनंद बुक्कानुरे, महांतेश हत्तुरे, उमेदवार सिद्धाराम म्हेत्रे आदींनी मनोगत व्यक्त केले.
चौकट १)- वयाच्या ८६ व्या वर्षी आमदार सचिन कल्याणशेट्टी यांनी दिलेला त्रास सांगताना भावनिक झाले व त्यांना अश्रु अनावर झाले. त्यांना रडताना पाहुन सर्व उपस्थित जनता भावुक झाली.
चौकट २) तडवळ भागातील सर्वागीण विकासासाठी व देगांव एक्सप्रेस कँनालचे उर्वरित काम पुर्ण करून सुजलाम सुफलाम करण्यासाठी व सिद्रामप्पा पाटलांचे स्वप्न पुर्ण करण्यासाठी परत एकदा संधी द्या- उमेदवार सिद्धाराम म्हेत्रे
