सामाजिक
अक्कलकोट येथे अक्कलकोट नरेश श्रीमंत विजयसिंहराजे भोसले महाप्रवेशद्वाराच्या उद्घाटन समारंभाचे आयोजन
अक्कलकोट (प्रतिनिधी )अक्कलकोट येथे अक्कलकोट नरेश श्रीमंत विजयसिंहराजे भोसले महाप्रवेशद्वाराचे उद्घाटन राजे फत्तेसिंह चौक , कोर्टासमोर, रविवार दिनांक १८ मे २०२५ रोजी सायंकाळी होणार असल्याची माहिती राजे फत्तेसिंह नवरात्र उत्सव मंडळ व गणेश उत्सव मंडळाचे अध्यक्ष चंद्रकांत सोनटक्के यांनी दिली. अक्कलकोट नरेश श्रीमंत विजयसिंहराजे भोसले महाप्रवेशद्वाराचे उद्घाटन आमदार सचिन कल्याणशेट्टी यांच्या शुभहस्ते तर माजी गृहराज्यमंत्री सिद्धाराम म्हेत्रे यांच्या अध्यक्षतेखाली संपन्न होणार आहे. या कार्यक्रमास प्रमुख पाहुणे म्हणून विरक्त मठाचे मठाधिपती बसवलिंग महास्वामीजी, विश्व फाउंडेशन शिवपुरी चे प्रमुख पुरुषोत्तम राजिमवाले , श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले , श्री स्वामी समर्थ समाधी मठाचे पुजारी अण्णू पुजारी श्री वटवृक्ष स्वामी महाराज देवस्थानचे पुजारी मंदार पुजारी, काँग्रेस पक्ष तालुकाध्यक्ष शंकर म्हेत्रे, भाजपाचे नेते शहाजी पवार माजी सभापती मल्लिकार्जुन पाटील, माजी नगरसेवक मिलन कल्याणशेट्टी ,श्री वटवृक्ष स्वामी महाराज देवस्थानचे अध्यक्ष महेश इंगळे , पोलीस निरीक्षक राजेंद्र टाकणे , मुख्याधिकारी रमाकांत डाके अन्नछत्र मंडळाचे सचिव शामराव मोरे , उपाध्यक्ष अभय खोबरे, आदींसह विविध मान्यवरांच्या उपस्थितीमध्ये सदरचा कार्यक्रम संपन्न होणार आहे. या कार्यक्रमास अक्कलकोट शहर – तालुक्यातील नागरिकांनीं मोठ्या संख्येने उपस्थित राहण्याचे आवाहन राजे फत्तेसिंह नवरात्रोत्सव मंडळ व गणेशोत्सव मंडळाचे अध्यक्ष चंद्रकांत सोनटक्के यांनी केले आहे.
