मुंबई -महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या अध्यक्षतेखाली आज मुंबईतील टिळक भवन, दादर येथे राज्य निवडणूक मंडळाची महत्त्वपूर्ण बैठक पार पडली. स्थानिक स्वराज्य संस्था निवडणुकांच्या पार्श्वभूमीवर उमेदवार निवड, प्रचार धोरण आणि संघटनात्मक बळकटी यावर सविस्तर चर्चा झाली.
बैठकीत प्रत्येक विभागातील राजकीय घडामोडींचा आढावा घेण्यात आला. पक्ष संघटनेला अधिक सक्षम करण्यासाठी वरिष्ठ नेत्यांनी स्पष्ट रोडमॅप आखला असून त्याची अंमलबजावणी लवकरच जोरदारपणे होणार आहे. जनतेशी अधिक जवळीक साधणे, त्यांच्या समस्या समजून घेणे आणि काँग्रेसची विचारधारा प्रभावीपणे लोकांपर्यंत पोहोचवणे हे पक्षाचे प्रमुख उद्दिष्ट असल्याचे यावेळी नमूद करण्यात आले.
ही बैठक राज्यातील काँग्रेसच्या निवडणूक तयारीला गती देणारी आणि संघटनात्मक दृष्ट्या निर्णायक ठरेल.
बैठकीस माजी प्रदेशाध्यक्ष माणिकराव ठाकरे, विधानसभा गटनेते . विजय वडेट्टीवार, आ. सतेज उर्फ बंटी पाटील, आ. विश्वजीत कदम, माजी आ. विक्रमसिंहदादा सावंत, प्रदेश काँग्रेसचे सहप्रभारी . बी. एम. संदीप, युवक काँग्रेस अध्यक्ष . शिवराज मोरे खासदार चंद्रकांत हंडोरे तसेच विविध फ्रंटल संघटनांचे, विभागांचे आणि सेलचे अध्यक्ष उपस्थित होते.
