अक्कलकोट ( प्रतिनिधी )
श्री स्वामी समर्थ चॅरिटेबल ट्रस्ट, माथाडी कामगार आणि अक्कलकोट रहिवासी वर्ग यांच्या वतीने नवी मुंबईतील भाजीपाला मार्केट येथे आमदार सचिन कल्याणशेट्टी यांचा सत्कार समारंभ आयोजित करण्यात आला होता. याप्रसंगी अण्णासाहेब पाटील आर्थिक मागास विकास महामंडळाचे अध्यक्ष व माथाडी कामगार_नेते नरेंद्र अण्णासाहेब पाटील यांची प्रमुख उपस्थिती होती. अक्कलकोट तालुक्याचे आमदार सचिन कल्याणशेट्टी यांचा सन्मान करण्यात आला.
या संवाद कार्यक्रमाच्या माध्यमातून आमदार सचिन कल्याणशेट्टी यांनी माथाडी कामगारांच्या अडचणी व त्यांच्या गरजा जाणून घेतल्या. तसेच माथाडी कामगार बांधवांच्या हक्कांसाठी कायम तुमच्या सोबत आहे, असा विश्वास व्यक्त केला. यासोबतच, कामगारांच्या हितासाठी सदैव कटिबद्ध असल्याचेही आमदार कल्याणशेट्टी यांनी मार्गदर्शन करताना सांगितले.
या कार्यक्रमास माथाडी संघटनेचे संयुक्त सरचिटणीस . रविकांत पाटील, बाजार समिती संचालक . शंकर पिंगळे, तसेच कार्यक्रमाचे आयोजक आणि स्वामी समर्थ चॅरिटेबल ट्रस्टचे अध्यक्ष अशोक बिराजदार, . पंडित सोडगी, आनंद पाटील, . लक्ष्मीपुत्र बिराजदार, राजकुमार जमादार, . सिद्धाराम संगपाळ, लिंगायत महासंघाचे प्रा. नीलकंठ बीजलगावकर व इतर व्यापारी आणि कामगार बांधव मोठ्या संख्येने उपस्थित होते.
