अक्कलकोट ( प्रतिनिधी )
भारतीय राज्यघटनेचे शिल्पकार, विश्ववंदनीय भारतरत्न डॉ. बाबासाहेब आंबेडकर अस्थि चैतन्य स्तुप दक्षिण सोलापूर तालुक्यातील मुळेगाव येथे साकारला असून याचे लोकार्पण दिनांक २७ एप्रिल रोजी करण्यात आले. या कार्यक्रमास आमदार सचिन कल्याणशेट्टी यांची प्रमुख उपस्थिती होती.६ डिसेंबर, १९५६ रोजी डॉ. बाबासाहेब आंबेडकर यांच्या महापरिनिर्वाणानंतर त्यांच्या पवित्र अस्ति मुंबईतील दादरच्या चैत्यभूमी येथून अक्कलकोट तालुक्यातील करजगी येथे आणण्यात आल्या आणि त्यानंतर या अस्थिंना मुळेगाव येथे आणण्यात आले. याच अस्थि चैतन्य स्तुप स्वरूपात उत्तमरित्या जतन केले आहे.या अस्थि चैतन्य स्तुपाचे लोकार्पण मोठया उत्साहात करण्यात आले.
यावेळी पूज्य राजरत्न भन्तेजी, सरपंच सविता भोसले, . बाळासाहेब वाघमारे, गौतम कसबे, नारायण बनसोडे, नीलकंठ पाटील, चंद्रशेखर मडीखांबे, आप्पासाहेब पाटील, नेताजी खंडागळे, शिवराज जाधव,. रमेश केत, यशवंत इंगळे, . नळपती बनसोडे, निवृत्ती ताकमोगे, नामदेव शिंदे, बालाजी इंगळे, संजय बनसोडे, बालाजी बनसोडे, चंद्रशेखर शिंगे, दिगंबर जाधव, मिलिंद खरात आदींसह नागरीक, माता -भगिनी, ग्रामपंचायत सदस्य आणि भीमसैनिक मोठ्या संख्येने उपस्थित होते.
