अक्कलकोट ( प्रतिनिधी ) अक्कलकोट तालुक्यातील दहिटणे शिवारात इलेक्ट्रीक पोलचे तारेचे विद्युत करंट लागुन शेतकरी पती पत्नीचा मृत्यू झाल्याची घटना शनिवारी सकाळी साडे सात वाजता घडली. या घटनेची नोंद उत्तर पोलीस ठाण्यात करण्यात आली आहे.
याबाबत अधिक माहिती अशी की , दि.14/09/2024रोजी सकाळी 07.30 वा. चे सुमारास दहिटणे गावाचे शिवारात ता. अक्कलकोट
येथील अंबादास चौडप्पा साळुंखे वय 57 वर्ष व कलावती अंबादास साळुंखे वय 49 वर्ष रा. दहिटणे ता.अक्कलकोट हे राहते घराचे पाठीमागील इलेक्ट्रीक पोलचे तारेचे विद्युत करंट लागुन बेशुध्दावस्थेत पडल्याने त्यांना खाजगी वाहनाने ग्रामीण रुग्णालय अक्कलकोट येथे उपचाराकरिता दाखल करण्यात आले. सकाळी 11.00 वा.मयत झाल्याचे अक्कलकोट ग्रामीण रुग्णालयातील डॉक्टरांनी सांगीतले . दहिटणे येथील पती पत्नी यांचा विद्यत शॉक लागून मृत्यू झाल्याने गावावर शोककळा पसरली आहे. त्यांच्या पश्चात मुलगा सून नातवंडे असा परिवार आहे.
या घटनेची नोंद उत्तर पोलीस ठाण्यात झाली असून पुढील चौकशी पोहेकॉ कलशेट्टी करत आहेत.
