अक्कलकोट ( प्रतिनिधी )सध्या सर्वत्र गणेशोत्सव भक्तीभावाने सुरू आहे. अक्कलकोट शहर व तालुक्यात अनेक श्री गणेशोत्सव तरुण मंडळांनी आकर्षक आणि सुबक गणेश मुर्त्या बसविल्याने या मुर्त्यांकडे गणेश भक्तांसह नागरिकांचे लक्ष वेधले आहे. यंदाच्या गणेशोत्सवात अनेक मंडळांनी मोठ्या गणेश मुर्त्या बसविल्या आहेत.
अक्कलकोट शहर आणि तालुक्यात सार्वजनिक गणेश उत्सव तरुण मंडळांकडून गणेश उत्सवासाठी लाखो रुपयांचा खर्च केला जातो. यामध्ये श्री गणेश मुर्त्या या आकर्षक सुबक सुंदर असाव्यात याकडे लक्ष दिले जाते. अनेक गणेश मंडळांकडून हैदराबाद पेण रायगड मुंबई व कर्नाटकातून श्री गणेशाच्या आकर्षक सुबक मुर्त्यांची प्रतिष्ठापना केली आहे .अक्कलकोट शहरासह मैंदर्गी दुधनी व इतर गावांमध्ये मोठ्या गणेश मुर्त्यांची प्रतिष्ठापना विविध मंडळाकडून करण्यात आली आहे. अक्कलकोटातील संयुक्त आजाद हिंद मंडळ ,श्री वीरभद्रेश्वर गणेशोत्सव मंडळ मैंदर्गी , मधला मारुती गणेश मंडळ , महादेव तरुण मंडळ , श्री रिद्धी सिद्धी गणेशोत्सव तरुण मंडळ , आझाद हिंद तरुण मंडळ ,श्री रामलिंग चौडेश्वरी गणेशोत्सव मंडळ मैंदर्गी, श्री स्वामी समर्थ अन्नछत्र मंडळ श्री शमी विघ्नेश गणेश मंदिर , श्री बसवेश्वर गणेशोत्सव तरुण मंडळ माळी गल्ली , पागाचाळ गणेशोत्सव तरुण मंडळ , श्री नवसाचा मारुती गणेश मंडळ ,श्रीकृष्ण गणेशोत्सव तरुण मंडळ , समाधी मठ गणेशोत्सव मंडळ बुधवार पेठ , राजे फत्तेसिंह चौक गणेशोत्सव मंडळ , क्रांती तरुण मंडळ हनूर चौक ,श्री एकता गणेशोत्सव मित्र मंडळ ,श्री शिव बालाजी तरुण मंडळ बुधवार पेठ आदींसह विविध सार्वजनिक गणेशोत्सव तरुण मंडळांनी श्री गणेशांच्या मूर्तीची प्रतिष्ठापना केली आहे. अक्कलकोट दक्षिण पोलीस ठाण्याच्या हद्दीत 148 सार्वजनिक गणेश मंडळांनी श्रींच्या मूर्तीची प्रतिष्ठापना केली आहे तर उत्तर पोलीस ठाण्याच्या हद्दीत अक्कलकोट शहरासह 155 सार्वजनिक गणेश मंडळांनी श्रींच्या मूर्तीची प्रतिष्ठापना केली आहे. अक्कलकोट शहर व तालुक्यातील विविध सार्वजनिक गणेश मंडळाच्या आकर्षक सुबक लाखो रुपये किमतीच्या श्री गणेश मूर्ती या गणेश भक्तांचे लक्ष वेधून घेत आहेत.
