यशवंतराव चव्हाण महाविद्यालयाची खेळाडू अनुराधा राऊत पुण्यश्लोक अहिल्यादेवी विद्यापीठ स्पर्धेत प्रथम
करमाळा ( प्रतिनिधी ) – येथील विद्या विकास मंडळ संचेती यशवंतराव चव्हाण महाविद्यालयातील विद्यार्थिनी अनुराधा राऊत हिने पुण्यश्लोक अहिल्यादेवी होळकर विद्यापीठाच्या योग स्पर्धेत प्रथम क्रमांक मिळविला आहे. पुण्यश्लोक अहिल्यादेवी होळकर सोलापूर विद्यापीठ अंतर्गत आंतर महाविद्यालयीन योगा स्पर्धा या दलित मित्र कदम गुरुजी विज्ञान महाविद्यालय, मंगळवेढा येथे रविवार दिनांक ५ ऑक्टोबर २०२५ रोजी संपन्न झाल्या. या स्पर्धेमध्ये विद्यापीठ अंतर्गत विविध महाविद्यालयातील ४२ महिला खेळाडूंनी स्पर्धेमध्ये सहभाग घेतला होता.
या स्पर्धेमध्ये यशवंतराव चव्हाण महाविद्यालयाची विद्यार्थिनी कुमारी अनुराधा पंकज राऊत हिने प्रथम क्रमांक मिळवला. शिवाय स्पर्धेमधील उत्कृष्ट खेळाडू म्हणून बहुमान पटकावला. अनुराधा ही यशवंतराव चव्हाण महाविद्यालयाच्या बीएस्सी प्रथम वर्षामध्ये शिकत आहे.
या स्पर्धेसाठी निवड झाल्याबद्दल संस्थेचे सचिव .विलासराव घुमरे सर, संस्थेचे अध्यक्ष प्राचार्य मिलिंद फंड, संस्थेचे सहसचिव विक्रमसिंह सूर्यवंशी, महाविद्यालयाचे प्राचार्य डॉ.एल.बी.पाटील, वरिष्ठ विभागाचे उपप्राचार्य डॉ.अनिल साळुंखे, कनिष्ठ विभागाचे उपप्राचार्य संभाजी किर्दाक, महाविद्यालयाचे शारीरिक शिक्षण विभाग प्रमुख प्रा. रामकुमार काळे कनिष्ठ व वरिष्ठ विभागातील सर्व प्राध्यापक व शिक्षकेतर कर्मचाऱ्यांनी या यशाबद्दल अभिनंदन करून पुढील वाटचालीस शुभेच्छा दिल्या.
