सोलापूर ( प्रतिनिधी )
वंचित बहुजन आघाडी शहर जिल्ह्याच्या वतीने साहित्यरत्न अण्णाभाऊ साठे यांच्या जयंतीनिमित्त निघणाऱ्या सांगता मिरवणुकीस रात्री १२ वाजेपर्यंत परवानगी मिळावी या मागणीचे निवेदन जिल्हाधिकारी कार्यालय यांना देण्यात आले.
साहित्यरत्न अण्णाभाऊ साठे यांच्या जयंतीनिमित्त मातंग समाज बांधव, बहुजन समाज बांधव मोठ्या संख्येने साहित्यरत्न अण्णाभाऊ साठे यांची जयंती मिरवणूक पाहण्यासाठी मोठ्या संख्येने सहभागी होतात.
मिरवणुकीतसाहित्यरत्न अण्णाभाऊ साठे यांच्या जीवनावरील घडामोडी तसेच त्यांनी लिहिलेले साहित्य याचे प्रबोधनात्मक देखावे सादर केले जातात म्हणून या मिरवणुकीला मोठे स्वरूप प्राप्त होते.
यावेळी शहराध्यक्ष प्रशांत गोणेवार , मातंग समाजातील युवा नेते शहर प्रसिद्धी प्रमुख बाळासाहेब रणदिवे , महासचिव विनोद इंगळे ,उपाध्यक्ष रोहित लालसरे, विक्रांत गायकवाड श्रीनिवास सांगेपाग, रवी म्हेत्रे मल्लिकार्जुन हिरेमठ ,शरीफ शेख आदी उपस्थित होते.
