करमाळा ( आयुब शेख ) – येथील विद्या विकास मंडळ संचलित यशवंतराव चव्हाण महाविद्यालयात राजर्षी छत्रपती शाहू महाराज यांच्या जयंती निमित्त मान्यवरांच्या हस्ते प्रतिमेस पुष्पहार अर्पण करून विनम्र अभिवादन करण्यात आले. या कार्यक्रमासाठी विद्या विकास मंडळाचे सचिव .विलासराव घुमरे (सर ), संस्थेचे अध्यक्ष प्राचार्य मिलिंद फंड, याप्रसंगी प्रमुख वक्त्या प्राध्यापिका.सुजाता भोरे, संस्थेचे सहसचिव विक्रमसिंह सूर्यवंशी, महाविद्यालयाचे प्राचार्य डॉ.एल.बी.पाटील, वरिष्ठ विभागाचे उपप्राचार्य डॉ.अनिल साळुंखे, कनिष्ठ विभागाचे उपप्राचार्य संभाजी किर्दाक हे मान्यवर उपस्थित होते.राजर्षी शाहू महाराज जयंतीच्या औचित्य साधून महाविद्यालयातील गुणवंत विद्यार्थ्यांचा सन्मान करण्यात आला. यावेळी प्रा.सुजाता भोरे यांनी आपल्या मनोगतातून राजर्षी शाहू महाराज यांचे शैक्षणिक,सामाजिक, राजकीय व शेती विषयीचे विचार थोडक्यात मांडले. त्याचबरोबर प्राचार्य मिलिंद फंड यांनी आपल्या मनोगतातून राजर्षी शाहू महाराज यांचा जीवनपट वेगवेगळ्या उदाहरणातून मांडला. अध्यक्षीय मनोगतातून प्राचार्य डॉ.एल.बी.पाटील यांनी राजर्षी शाहू महाराजांसारखे प्रत्येकाने आपल्या कामात तत्पर राहून काम केले तर राजर्षी शाहू महाराजांना खरी आदरांजली ठरेल असे सांगितले. या कार्यक्रमाचे प्रास्ताविक वरिष्ठ मराठी विभागाचे प्रमुख प्रा.नितीन तळपाडे यांनी केले. या कार्यक्रमाचे सूत्रसंचालन प्रा.एम.डी. जाधव यांनी केले तर कार्यक्रमाचे आभार वरिष्ठ विभागाचे अर्थशास्त्र प्रमुख प्रा. कृष्णा कांबळे यांनी मानले. या कार्यक्रमासाठी कनिष्ठ व वरिष्ठ विभागातील सर्व प्राध्यापक आणि विदयार्थी उपस्थित होते.
