९ महाराष्ट्र बटालियनचे कमांडिंग ऑफिसर  रणधीर सतीश यांची यशवंतराव चव्हाण महाविद्यालयास भेट

करमाळा ( आयुब शेख ) – येथील विद्या विकास मंडळाचे यशवंतराव चव्हाण महाविद्यालयातील एन.सी.सी. विभागास दिनांक ८ जानेवारी २०२५ रोजी ९ महाराष्ट्र बटालियन एन.सी.सी. सोलापूर येथील कमाडिंग ऑफिसर कर्नल रणधीर यांनी प्रशासकीय भेट दिली. महाविद्यालयाचे प्राचार्य डॉ.एल.बी.पाटील यांनी स्वागत केले. महाविद्यालयातील कॅडेटसने गार्ड ऑफ ऑनर करून त्यांना मानवंदना दिली. सदरच्या भेटीमध्ये त्यांनी एन.सी.सी. कडेट्सशी महाविद्यालयाच्या विजयश्री सभागृहामध्ये संवाद साधला. “बी आणि सी” सर्टिफिकेट परीक्षेच्या संदर्भात व एन.सी.सी. मधून मिळणाऱ्या करिअर संदर्भात मार्गदर्शन केले. अध्यक्षीय मनोगतातून महाविद्यालयाचे प्राचार्य डॉ.एल.बी.पाटील यांनी कॅडेट्सला आपल्या अंगी असलेले शिस्त समाजातही कशी रुजवता येईल याविषयी प्रयत्न कसे करावेत, तसेच एन.सी.सी. कॅडेट्स म्हणून आपल्याकडे सकारात्मक भावना, देशाप्रती अभिमान असणे गरजेचे आहे याविषयी मार्गदर्शन केले.महाविद्यालयातील कॅटेसला वेळोवेळी विद्या विकास मंडळाचे सचिव विलासराव घुमरे , संस्थेचे अध्यक्ष प्राचार्य मिलिंद फंड, संस्थेचे सहसचिव विक्रमसिंह सुर्यवंशी, उपप्राचार्य संभाजी किर्दाक याचे एन.सी.सी. कडेट्सना मार्गदर्शन लाभते. यावेळी सुभेदार तानाजी चव्हाण व हवालदार बाळासाहेब पठाडे व एन.सी.सी. कॅडेट्स उपस्थित होते. कार्यक्रमाचे सूत्रसंचालन महाविद्यालयाचे कॅप्टन डॉ. विजया गायकवाड व आभार प्रदर्शन सि.टी.ओ. प्रा.राम काळे यांनी केले.