अक्कलकोट : (प्रतिनिधी)
श्री स्वामी समर्थ अन्नछत्र मंडळातील श्री शमी विघ्नेश गणेश मंदिरात पार्थिव गणपतीची सालाबादप्रमाणे मंडळाचे संस्थापक अध्यक्ष जन्मेजयराजे भोसले यांच्या मार्गदर्शनाखाली न्यासाचे कार्यकारी अध्यक्ष अमोलराजे भोसले व त्यांच्या पत्नी अर्पिताराजे भोसले यांच्या हस्ते शनिवारी गणेश चतुर्थीच्या दिवशी विधिवत पूजा, अभिषेक करून श्री गणेशाची प्रतिष्ठापना करण्यात आली. विविध धार्मिक विधिवत पूजा न्यासाचे मुख्य पुरोहित अप्पू पुजारी यांच्याकडून करण्यात आली.
श्री स्वामी समर्थांच्या पदस्पर्शाने पावन झालेली भूमी, श्रीक्षेत्र अक्कलकोट येथे सन १९८८ च्या श्री गुरूपौर्णिमेच्या मुहूर्तावर जन्मेजयराजे विजयसिंहराजे भोसले यांच्या मार्गदर्शनाखाली अन्नछत्र मंडळाची स्थापना करण्यात आली. त्या नंतरच्या काळात न्यासाच्या आवारात सन १९९० साली जमिनीची झाडी, झुडपे काढून साफ-सफाई व सपाटीकरण करीत असताना जमिनीच्या मध्यवर्ती भागात शमीवृक्ष आढळला. तेथे सपाटीकरण करते वेळेस श्री गणेशाची सुंदर मूर्ती आढळली. त्याच शमीवृक्षाखाली ३४ वर्षा पूर्वी श्री गणेशाची स्थापना करून सुंदर असे मंदिर बांधण्यात आले आहे.
चौकट :
या मंदिरात नित्य पूजा अर्चा, अभिषेक, अथर्वशीर्ष अभिषेक (२१ व १०० आवर्तने), सहस्त्र दुर्वार्चन, गणेश याग अशी सेवा करण्यात येते. संकष्टी व अंगारकी चतुर्थीला श्रीक्षेत्र अक्कलकोटातील गणेश भक्तांकडून आरती करण्यात येते.
या प्रसंगी अमोलराजे भोसले कुटुंबीय तेजस्वीनीराजे भोसले, हर्षवर्धनराजे भोसले, स्वामिनीराजे भोसले व न्यासाचे उपाध्यक्ष अभय खोबरे, सचिव शामराव मोरे, विश्वस्त लक्ष्मण पाटील, संतोष भोसले, आप्पा हंचाटे, मनोज निकम, निखील पाटील, अतिश पवार, गोटू माने, प्रविण घाटगे, मैनुद्दीन कोरबू, मुख्य आचारी बाळासाहेब पोळ, मुख्य सुरक्षा रक्षक महादेव अनगले, बाळासाहेब घाडगे, अभियंता अमित थोरात, किरण पाटील, राजू पवार, संभाजीराव पवार, पिंटू साठे, दत्ता माने, गणेश पाटील, विश्वनाथ कलशेट्टी, सागर सुतार, शिवू काळे, राहुल इंडे, प्रसाद हुल्ले, सिध्दाराम कल्याणी, शहाजीबापू यादव, सतीश महिंद्रकर, समर्थ घाडगे, चंद्रकांत हिबारे, धनंजय निंबाळकर, रमेश हेगडे, वैजनाथ स्वामी, सुमित कल्याणी, विपुल कदम, धनंजय गोंडाळ, सागर पवार, गोरख माळी, अप्पा गवळी, ज्ञानेश्वर भोसले, योगेश कटारे, कागेश भरमशेट्टी, महेश मलवे, दत्ता झंपले, स्वामिनाथ मलवे, लक्ष्मण पांढरे यांच्यासह सेवेकरी, कर्मचारी, भक्तगण बहुसंख्येने उपस्थित होते.
