सामाजिक
गौरी सजावटीचे साहित्याचे दर दहा टक्के वाढले, स्वतः च्या कलात्मक सजावटीकडे नागरिकाचा कल वाढला
तयार सजावट खरेदीला मोठा ब्रेक
अक्कलकोट ( प्रतिनिधी )
गौरी च्या पुढे आरास सजावटीच्या साहित्याने बाजार फुलला आहे .गौरी पुढे आरास सजावट साहित्याच्या किंमतीमध्ये दहा टक्के वाढ झाली आहे .यामुळे तयार सजावटीचे साहित्य खरेदीपेक्षा नागरिक आर्टीफिशियल फुले कागदी प्लास्टीक फुले फोम थर्माकोल घेऊन स्वतः गौरी गणपती पुढे सजावट करण्यावर भर देत आहेत . तयार सजावटीचे साहित्य खरेदीकडे नागरिकांचा कल कमी असल्याचे स्टेशनेरी दुकानाचे मालक ओम प्रसन्न हत्ते यांनी सांगितले .
गौरी आगमनाला अवघे २४ तास राहिले आहेत सोमवारी अक्कलकोट येथील मुख्य बाजार पेठेत गौरी च्या पुढे आरास सजावट करिता विविध साहित्यानी दुकाने सजली आहेत . लक्ष्मी मुखवटे अडणी चौकोनी फायबर चे क लोखंडी मंडप विविध प्रकारचे रंगीबेरंगी फुले प्लॅस्टीकचे हार फुले आर्टीफिशियल फुले हार विदयुत दिवे माळा खेळणी आदि साहित्याने बाजार पेठ सजली आहे . यंदा साहित्याचे दर दहा टक्के वाढली आहेत यामुळे साहित्य खरेदीसाठी ग्राहकाची कमी पसंती आहे . लोक स्वतःच घरी विविध प्रकारचे थर्मोकोल फोन पुठ्ठा डिजीटल बॅनर व रंग बेरंगी कागदी बेगड फरारी तोरणे तयार फुले साहित्यानी घरीच कलात्मक सजावट करण्या कडे भर देत आहेत. .
