“भुकेल्या आईला ताट वाढण्यास नकार दिला कारण!…” दिवंगत अभिनेते निळू फुले यांच्या अंगावर काटा आणणाऱ्या प्रामाणिकपणाची थक्क करणारी गोष्ट!
मराठी चित्रपटसृष्टीच्या इतिहासात आपल्या कसदार अभिनयाने आणि खलनायकी ढंगाने एक वेगळाच दरारा निर्माण करणारे महान अभिनेते म्हणजेच निळू फुले पडद्यावर त्यांनी साकारलेल्या क्रूर आणि कपटी भूमिकांमुळे अनेकदा प्रेक्षक खऱ्या आयुष्यातही त्यांना खलनायकच समजायचे. मात्र, पडद्यामागचे निळूभाऊ हे अत्यंत संवेदनशील, पुरोगामी विचारांचे, समाजसेवक आणि कमालीचे प्रामाणिक गृहस्थ होते. नुकतीच सोशल मीडियावर त्यांच्या आयुष्यातील एक अत्यंत भावुक आणि अंगावर काटा आणणारी आठवण समोर आली आहे.
एका बाजूला सख्खी आई भुकेली असतानाही, निळू फुले यांनी तिला जेवणाचे ताट देण्यास स्पष्ट नकार दिला होता! त्यांच्या या कृतीमागे कौटुंबिक वाद नव्हता, तर त्यांचा तत्त्वनिष्ठ आणि प्रामाणिक स्वभाव कारणीभूत होता, ज्याची रंजक गोष्ट सध्या चर्चेत आहे.
राष्ट्र सेवा दलाच्या छावणीतील ‘तो’ प्रसंग!
ही गोष्ट निळूभाऊंच्या सुरुवातीच्या काळातील आहे, जेव्हा ते राष्ट्र सेवा दलाशी जोडलेले होते आणि सामाजिक कार्यात सक्रिय होते. एकदा एका शिबिराचे किंवा छावणीचे आयोजन करण्यात आले होते, जिथे स्वयंपाकाची आणि जेवणाची जबाबदारी निळू फुले यांच्याकडे होती. हे जेवण छावणीत आलेल्या स्वयंसेवकांसाठी आणि लोकांसाठी मर्यादित प्रमाणात बनवले गेले होते. याच दरम्यान, निळूभाऊंची आई त्यांना भेटण्यासाठी तिथे आली होती आणि प्रवासाच्या थकव्यामुळे ती प्रचंड भुकेली होती. आईला भूक लागल्याचे पाहून कोणत्याही मुलाचे काळीज हेलावेल, पण तिथे निळूभाऊंनी जे काही केले ते थक्क करणारे होते.
”हे जेवण माझ्या पैशांचे नाही…” निळूभाऊंचा तो ऐतिहासिक नकार!
आईने जेवण मागितल्यानंतर निळूभाऊंनी तिला शिबिरातील अन्न देण्यास नकार दिला. ते आईला म्हणाले, “हे अन्न सार्वजनिक पैशांतून आणि लोकांच्या वर्गणीतून केवळ इथल्या कार्यकर्त्यांसाठी बनवले आहे. माझ्या आईवर खर्च करण्याचा अधिकार मला या पैशांमधून नाही.” यानंतर त्यांनी स्वतःच्या खिशातून पैसे काढले, बाजारात जाऊन बाहेरून आईसाठी जेवण विकत आणले आणि मगच तिची भूक भागवली. सार्वजनिक मालमत्तेचा किंवा पैशांचा वैयक्तिक स्वार्थासाठी वापर करायचा नाही, हा त्यांचा हा कडक नियम पाहून तिथले सर्व लोक थक्क झाले होते.
पडद्यावर क्रूरता दाखवणारा हा माणूस खऱ्या आयुष्यात तत्त्वांचा किती पक्का आणि प्रामाणिक होता.
