पाथरी / परभणी ( मंजूर मुल्ला )पाथरी विधानसभा मतदारसंघातील राष्ट्रवादी काँग्रेस शरदचंद्र पवार गटातील प्रमुख नेत्यांनी व कार्यकर्त्यांनी सईद खान यांच्या नेतृत्वावर विश्वासावर
शिक्कामोर्तब करत राज्याचे सार्वजनिक बांधकाम मंत्री दादाजी भुसे व खासदार श्रीकांत शिंदे यांच्या उपस्थितीत मुंबईती़ल वर्षा निवासस्थानी शिवसेना पक्षात जाहीर प्रवेश केला.
राज्याचे लोकप्रिय मुख्यमंत्री माननीय एकनाथराव शिंदे यांचे कट्टर समर्थक परभणी जिल्ह्याचचे युवा नेते सईद खान यांच्यावर विश्वास दर्शावून पाथरी विधानसभेतील राष्ट्रवादी काँग्रेस पक्ष शरदचंद्र पवार व इतर पक्षातील अनेक पदाधिकाऱ्यांनी राज्याचे सार्वजनिक बांधकाम मंत्री दादाजी भुसे, खासदार डॉक्टर श्रीकांत शिंदे व शिवसेना उपनेते विजय बापू शिवतारे, शिवसेना सचिव भाऊसाहेब चौधरी यांच्या उपस्थितीत शिंदे शिवसेनेत जाहीर पक्षप्रवेश केला.
या पक्षप्रवेशात पाथरीचे माझी पंचायत समिती सभापती तथा पाथरी तालुका अध्यक्ष एकनाथ शिंदे, कृषी उत्पन्न बाजार समितीचे सदस्य सचिन डोंगरे, शहराध्यक्ष ताजुद्दीन फारुकी, जिल्हा अल्पसंख्यांक सचिव मोहसीन खान,भागवतराव फसाटे,भरत धवले, आसाराम वऱ्हाळे, कलीम बागवान, सुनील घुमरे, सुखदेव वाघमारे, किशोर काळे, बंटी काळे, नारायण जाधव, प्रशांत धनले, रमेश शेळके, व्यंकोजी डुकरे, ज्ञानेश्वर शेळके, विष्णुपंत शिंदे, यांच्यासह अनेक महिला पदाधिकाऱ्यासोबत कार्यकर्त्यांनी शिंदे शिवसेना पक्षात जाहीर प्रवेश केला.
