सोनपेठ / परभणी ( मंजूर मुल्ला )सोनपेठ पोलीस प्रशासनाच्या वतीने कै. रमेश वरपुडकर महाविद्यालयाच्या विद्यार्थिनींशी संवाद साधण्यात आला.विद्यार्थिनींना तक्रार पेटी, दामिनी पथक, अँटी रॅगिंग आणि महिला सुरक्षेविषयीच्या कायद्यांची माहिती पोलिस निरीक्षक बोलमवाड व सहाय्यक पोलीस निरीक्षक अजय किरकन यांनी दिली.
याप्रसंगी सज्जनांचा सन्मान वाढवला पाहिजे तसेच वाईट प्रवृत्तींचे उच्चाटन केले पाहिजे, हे सजग नागरिक आणि पोलिसांचे कर्तव्य आहे, सोशल मीडियावरील होणाऱ्या गुन्हेगारीला आळा घालण्यासाठी तात्काळ सायबर विभागाच्या संपर्कासाठी मार्गदर्शन केले.
यावेळी मंचावर प्राचार्य डॉ. वसंत सातपुते व कनिष्ठ महाविद्यालयाच्या प्राचार्या डॉ. शेख शकिला तसेच महाविद्यालयाच्या शिस्त व अँटी रँगिंग कमिटीचे प्रा. डॉ. गोविंद वाकणकर व प्रा. डॉ. अंगद फाजगे उपस्थित होते.
