डोणजा पंचायत समितीमध्ये फारूक मुलाणी हे सदस्य फिक्स : सुहास ओहोळ
परंडा / धाराशिव ( फारूक शेख )
परंडा पंचायत समितीमध्ये भाजपा महायुतीचा निश्चित झेंडा फडकणार आहे या निवडणुकीमध्ये निष्ठावंत कार्यकर्ते मुलांनी हे डोणजा पंचायत समिती गण मधून सदस्य असतील असे ठाम मत करमाळा भाजपा माजी शहर उपाध्यक्ष सुहास ओहोळ यांनी व्यक्त केले.
आलेश्वर चे माजी सरपंच फारूक मुलाणी सय्यद यांची परंडा तालुका भाजपा अल्पसंख्यांक आघाडीच्या तालुकाध्यक्षपदी निवड झाल्याबद्दल त्यांचा सत्कार करमाळा येथे डॉ. श्रीराम परदेशी यांच्या हस्ते सत्कार करण्यात आला .
पुढे बोलताना ओहोळ म्हणाले की गेली 35 ते 40 वर्षापासून भाजपाचा झेंडा घेऊन एक निष्ठेने काम करणारे कार्यकर्ते खूप कमी राहिलेले आहेत त्यामध्ये मुलाणी यांनी निष्ठावंत राहून सत्ता नसताना संघर्ष करून ग्रामपंचायत निवडणूक असो की विधानसभा, लोकसभा, पंचायत समिती निवडणूक या सर्व निवडणुकीमध्ये आपल्या कार्यकर्त्यासमवेत भाजपचे निष्ठेने काम केले .
त्यांना भाजपाचे माजी प्रदेश सरचिटणीस तथा माजी आमदार सुजितसिंह ठाकुर यांचे सतत मार्गदर्शन मिळत असल्यामुळे ग्रामीण भागातील सर्वसामान्यांच्या प्रश्नाला न्याय देण्याचे काम त्यांनी केले. यावेळी सत्काराला उत्तर देताना मुलांनी म्हणाले की गेली अनेक वर्षापासून मराठवाडा व पश्चिम महाराष्ट्राला जोडणारा आलेश्वर परंडा करंजे करमाळा पूल या महत्वकांक्षी प्रकल्पासाठी मागे सहा कोटीचा निधी मंजूर झाला होता परंतु ते काम होऊ शकले नाही हा जोडणारा पूल झाल्यास बंगाळवाडी ,डोंजा, आलेश्वर या भागातील नागरिकांना करमाळा येथे बाजारपेठ तसेच मुलांना शाळेसाठी शेतकऱ्यांना आपल्या शेत मालासाठी रहदारीचा ठरणार आहे यासाठी वेळोवेळी पाठपुरावा केला परंतु मागणी पूर्ण होऊ शकली नाही परंतु पुढील काळामध्ये माजी आमदार सुजितसिंह ठाकुर जिल्हाध्यक्ष दत्ताभाऊ कुलकर्णी भाजपा तालुकाध्यक्ष अरविंद रगडे जिल्हा सरचिटणीसाडी अॅड गणेश खरसडे जिल्हा उपाध्यक्ष एड संतोष सूर्यवंशी सरचिटणीस धनाजी गायकवाड तानाजी पाटील यांच्या सर्वांच्या सहकार्याने आलेश्वर करंजे पूल मार्गी लावण्यासाठी आपण पाठपुरावा करू असे आश्वासन त्यांनी यावेळी दिले
यावेळी भाजपा किसान मोर्चा जिल्हा सरचिटणीस नरेंद्रसिंह ठाकुर मनोज कुलकर्णी नितीन कांबळे मुजावर आदी उपस्थित होते .
