अक्कलकोट ( प्रतिनिधी ) तीर्थक्षेत्र अक्कलकोट शहराच्या विकासासाठी उपमुख्यमंत्री एकनाथ शिंदे हे मुख्यमंत्री असताना त्यांनी ४०० कोटी रुपयांचा निधी दिला आहे. या निधीतून अक्कलकोट शहराचा चांगल्या प्रकारे विकास होण्यासाठी शिवसेनेचे उमेदवार रईस टिनवाला यांना विजयी करा असे आवाहन राज्याचे उद्योग मंत्री उदय सामंत यांनी केले. अक्कलकोट येथे शिवसेना शिंदे गटाचे नगराध्यक्ष पदाचे उमेदवार रईस टिनवाला व इतर उमेदवारांच्या प्रचारार्थ शुक्रवारी दुपारी राज्याचे उद्योग मंत्री उदय सामंत यांची श्री मल्लिकार्जून मंदिरा शेजारी जाहीर सभेचे आयोजन करण्यात आले होते. या जाहीर सभेस माजी मंत्री सिद्धाराम म्हेत्रे , शिवसेना शिंदे गटाचे जिल्हा संपर्कप्रमुख महेश साठे , जिल्हाप्रमुख अमर पाटील , महिला आघाडीच्या नेत्या अनिता माळगे , उमेदवार रईस टिनवाला ,प्रियंका परांडे , जिल्हा उपप्रमुख सुनिल कटारे वर्षा चव्हाण , वैशाली हावनूर , स्वामीनाथ हेगडे व शिवसेनेचे सर्व नगरसेवक पदाचे उमेदवार यांची प्रमुख उपस्थिती होती .पुढे बोलताना उद्योग मंत्री उदय सामंत म्हणाले , अडीच तीन वर्षांपूर्वी राज्याचे मुख्यमंत्री म्हणून सध्याचे उपमुख्यमंत्री एकनाथ शिंदे हे राज्याचे मुख्यमंत्री असताना श्री स्वामी समर्थांच्या भक्तांना सोयी सुविधा उपलब्ध व्हाव्यात यासाठी ४०० कोटी रुपयांचा निधी मंजूर केला होता .इतका मोठा निधी येऊनही अक्कलकोट शहरातील कामे अर्धवट पडले आहेत .कदाचित टक्केवारीचा हिशोब व्यवस्था व्यवस्थित झाला नसेल .अर्धवट कामे करणाऱ्या अर्धवट लोकांना नगरपरिषदेपासून दूर ठेवण्याची जबाबदारी ही मतदारांची आहे. उपमुख्यमंत्री एकनाथ शिंदे यांनी राज्यातील दोन कोटी चाळीस लाख महिलांना लाडकी बहीण योजनेद्वारे मदत केली आहे. अक्कलकोट मध्ये मी माझ्या विभागातर्फे उद्योग व्यवसाय देणार आहे. शिवसेनेचा उमेदवार विजयी होणार असून पुढच्या पंधरा दिवसात मी पुन्हा अक्कलकोट येथे येईल माझ्यासोबत माझ्या विभागाचे अधिकारी घेऊन येईन.अक्कलकोट मधील किमान ५०० मुला-मुलींना पुढील पाच वर्षात स्वतःच्या पायावर उभे करणार आहे. तरुणांची या ठिकाणी मोठी संख्या आहे. मुख्यमंत्री रोजगार विभागामार्फत उद्योग उभे करा यामध्ये ३० टक्के सबसिडी आहे. शिवसेना हा पक्ष सर्व जाती धर्मांना सोबत घेऊन चालणारा पक्ष आहे .जे देशावर राज्यावर गावावर प्रेम करणारे लोक आहेत ते आपलेच आहेत. या ठिकाणच्या हिंदू बांधवांना मी विनंती करणार आहे विकासासाठी आपण रईस टिनवाला यांना एकदा संधी द्यावी असे उदय सामंत यांनी यावेळी आवाहन केले. तीन वेळा रईसवाला यांचे वडील नगराध्यक्ष होते. त्यांनी शहराचा विकास केला. कधीच जाती धर्म पाहिला नाही. दुधनी व अक्कलकोट मध्ये एमआयडीसी व्हावी ही माजी मंत्री सिद्धाराम म्हेत्रे यांची मागणी आहे .दुधनी आणि अक्कलकोट मध्ये एमआयडीसी काढण्यासाठी मी मंजुरी देणार आहे. कामासाठी मंत्र्यावर दादागिरी करा .अक्कलकोटच्या सर्वांगीण विकासाला चालना देण्यासाठी शिवसेनेचे उमेदवार रईस टिनवाला व इतर नगरसेवक पदाच्या उमेदवारांना बहुमताने विजयी करा असे आवाहन शेवटी उद्योग मंत्री उदय सामंत यांनी केले . या सभेत माजी मंत्री सिध्दाराम म्हेत्रे , महेश साठे , अमर पाटील यांची भाषणे झाली.
या जाहीर सभेस शिवसेनेचे पदाधिकारी कार्यकर्ते मोठ्या संख्येने उपस्थित होते.
