शैक्षणिक
धानय्या कौटगीमठ यांना पुण्यश्लोक अहिल्यादेवी होळकर सोलापूर विद्यापीठाची पीएच.डी पदवी
अक्कलकोट ( प्रतिनिधी )
के. एल. ई. मंगरूळे हायस्कूल येथील शिक्षक धानय्या गुरुलिंगय्या कौटगीमठ यांना “The Literary World of Sudha Murty: An Exploration” या विषयावर पीएच.डी. पदवी प्राप्त झाली आहे. ही पदवी पुण्यश्लोक अहिल्यादेवी होळकर सोलापूर विद्यापीठ यांच्यातर्फे प्रदान करण्यात आली.
या संशोधन कार्यासाठी दयानंद महाविद्यालय, सोलापूर येथील इंग्रजी विषयाचे प्रा. डॉ. टी. एन. कोळेकर हे मार्गदर्शक म्हणून लाभले. डॉ. डी. सी. ननावरे हे कमिटी चेअरमन होते, तर डॉ. एम. खान (डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर) यांनी बाह्य परीक्षक म्हणून कार्य केले.
कार्यक्रमात डॉ. गणेश संकपाल यांनी प्रस्तावना सादर केली. डॉ. शिवाजी शिंदे (सहाय्यक कुलसचिव) यांनी संपूर्ण सहकार्य दिले आणि आभार प्रदर्शन केले. यावेळी डॉ. शिवानंद तडवळ आणि प्रा. रेवणसिद्ध हालोळी उपस्थित होते.
. धानय्या कौटगीमठ यांचे चिरंजीव कुमार रामेश्वर कौटगिमठ देखील या प्रसंगी उपस्थित होते. डॉ. अमोघसिद्ध चांडके यांची अमूल्य साथ आणि प्रा. प्रकाश सुरवसे यांची साथ लाभली.
