शैक्षणिक
ज्योतिबा सावित्री आदर्श शिक्षक पुरस्काराने अक्कलकोट येथील शिक्षक धानय्या कौटगीमठ सन्मानित
अक्कलकोट ( प्रतिनिधी ) सोलापूर येथील शिव स्मारक भवनमध्ये ज्ञान ज्योती सावित्रीमाई फुले यांच्या जयंतीनिमित्त प्रहार शिक्षक संघटनेच्या वतीने ज्योतिबा सावित्री आदर्श शिक्षक पुरस्काराने अक्कलकोट येथील शिक्षक धानय्या कौटगीमठ यांचा सन्मान महाराष्ट्र शासनाचे अधिकारी मंगेश चिवटे (माजी कक्ष प्रमुख मुख्यमंत्री वैद्यकीय सहाय्यता कक्ष मुख्यमंत्री सचिवालय ,मुंबई) यांच्या शुभ हस्ते करण्यात आला. सदरचा कार्यक्रम हा दिनांक ४ जानेवारी रोजी आयोजित करण्यात आला होता. या कार्यक्रमाच्या अध्यक्षस्थानी आमदार सचिन कल्याणशेट्टी होते .यावेळी सोलापूर जिल्हा शिक्षण अधिकारी सचिन जगताप , प्रहार संघटना जिल्हा अध्यक्ष सचिन नागटिळक , अक्कलकोट तालुका प्रहार शिक्षक संघटना अध्यक्ष विजय बुद्रुक उपस्थित होते.के एल ई मंगरुळे प्रशाला अक्कलकोट येथील शिक्षक धानय्या कौटगीमठ यांचे शाळे व्यतिरिक्त केलेल्या शैक्षणिक काम म्हणजे ते स्वतः ७७ वेळा सेट नेट परीक्षा उत्तीर्ण होऊन यु ट्यूब च्या माध्यमातून मोफत सेट नेट परीक्षा विषयी मार्गदर्शन करीत आहेत .आता पर्यंत ८०५ विद्यार्थी त्यांच्या मार्गदर्शनाखाली सेट परीक्षा उत्तीर्ण झाले आहेत. या कामासाठी त्यांचीं निवड अक्कलकोट तालुक प्रहार शिक्षक संघटनेचे अध्यक्ष विजय बुद्रुक यांनी केले आहे. या पुरस्काराबद्दल शिक्षक धानय्या कौटगीमठ यांचे सर्वत्र अभिनंदन केले जात आहे.
