सोलापूर ( प्रतिनिधी )
नामदेवराव बापू भालशंकर गौरव समितीच्या वतीने यावर्षीचा राज्यस्तरीय क्रांतीज्योती सावित्रीबाई फुले गुणवंत शिक्षिका पुरस्कार सदसंकल्प शिक्षण समूहाच्या मातोश्री माध्यमिक विद्यालय म्हैसगाव येथील सांस्कृतिक विभाग प्रमुख प्रतिभा पांडव यांना गौरव समितीच्या वतीने नुकताच पुरस्कार जाहीर झाला आहे.
सदसंकल्प शिक्षण समूहाचे संस्थापक सचिव, प्रदेशाध्यक्ष बहुजन शिक्षक व कर्मचारी महासंघ महाराष्ट्र राज्य, गौरव समितीचे मार्गदर्शक समाजभूषण अण्णासाहेब भालशंकर यांच्या प्रेरणेतून आणि मार्गदर्शनातून नामदेवराव बापू भालशंकर गौरव समितीच्या वतीने प्रत्येक वर्षी सर्व क्षेत्रातील उल्लेखनीय कार्य करणाऱ्या व्यक्तींना पुरस्कार देऊन गौरव करण्यात येतो.
यावर्षीचा राज्यस्तरीय क्रांतीज्योती सावित्रीबाई फुले गुणवंत शिक्षिका पुरस्कार प्रतिभा पांडव यांना जाहीर झाल्याबद्दल सर्वच क्षेत्रांमध्ये त्यांना शुभेच्छा होत आहे. प्रतिभा पांडव यांना यापूर्वी राज्यस्तरीय चार पुरस्कार प्राप्त झालेला असून त्यांनी केलेल्या कार्याबद्दल सर्व स्तरांमधून शुभेच्छांचा वर्षाव होत आहे. त्या इंग्रजी विषयाच्या उत्कृष्ट आणि विद्यार्थी प्रिय शिक्षिका म्हणून कार्यरत असून गेली पंधरा वर्ष अध्यापनाचे उत्कृष्टपणे काम करीत आहेत या त्यांच्या कार्यामुळेच हा त्यांना पुरस्कार मिळाला आहे.
