फुले शाहू आंबेडकर यांचा लढा आणि
आरक्षण त्यांच्या डोळ्यात सलतंय !
सोलापूर : गेल्या हजारो वर्षांच्या नंतर जो लढा महात्मा फुले, शाहू महाराज यांनी सुरू केला त्याला बाबासाहेब पुढे घेऊन गेले. त्यांनी आरक्षणाच्या माध्यमातून हा लढा उभा केला आणि कायम केला. जे आज इतरांच्या डोळ्यात सलत असल्याचे वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी सोलापूर येथील जोशाबा महासंकल्प सभेत केले.
ॲड. आंबेडकर यांनी म्हणाले की, आम्ही भर पावसात आरक्षण बचाव यात्रा काढली, तेव्हा ओबीसीमधील अनेक लहान लहान समूहांची मागणी होती की, ही यात्रा थांबता कामा नये. भाजपने नवीन घोषणा काढली आहे “बटेंगे तो कटेंगे” सगळे हिंदू एकत्र राहिले पाहिजेत. मान्य आहे, पण ओबीसींनी त्यांना विचारले पाहिजे की, तुम्ही आमच्या आरक्षणाला विरोध का करत आहात.
ओबीसी उमेदवारांच्या संख्येवरून आंबेडकर यांनी महाविकास आघाडी आणि महायुती या दोघांना लक्ष्य करत म्हटले आहे की, मी महाविकास आघाडी आणि महायुती यांच्या उमेदवार याद्यांची बेरीज वजाबाकी करत बसलो होतो. एकाने 32 ओबीसी उमेदवार दिले आहेत आणि दुसऱ्याने 28 ओबीसी उमेदवार दिले आहेत. म्हणजे ओबीसी आरक्षण घालवायची सुरुवात झाली आहे. आता आरक्षण वाचवायचे असेल तर गॅस सिलिंडरशिवाय पर्याय नाही हे लक्षात घ्या.
ग्रामपंचायत, पंचायत समिती, जिल्हा परिषद, नगर पालिका आणि महानगर पालिका यामध्ये ओबीसी आरक्षण आहे का ? तर यामध्ये ओबीसी आरक्षण नाही. सुप्रीम कोर्टाने 15 दिवसांपूर्वी निर्णय दिला आहे की, तुम्हाला जर स्थानिक स्वराज्य संस्थांच्या निवडणुका घ्यायच्या असतील तर घ्या पण ओबीसी आरक्षण वगळून घ्या, असे म्हणत आंबेडकर यांनी ओबीसी आरक्षणाच्या प्रश्नावर प्रकाश टाकला.
प्रत्येक सभेत मोदी येतात, संविधान डोक्याला लावतात आणि म्हणतात हे माझे बायबल आहे. हे जरी ते म्हणत असले तरी या बायबलमधील आत्मा जो आहे तो काढून घेण्याची प्रक्रिया या निवडणुकीत सुरू झाली असल्याचाही आरोप त्यांनी केला.
एससी, एसटी, ओबीसी आणि मुस्लीम हे आमचे मित्र आहेत. आज आम्ही आरक्षण वाचवण्यासाठी एकत्र आहोत. म्हणून माझे आवाहन आहे की, गॅस सिलिंडर या चिन्हावरतीच आपण मतदान केले पाहिजे असेही आंबेडकरांनी म्हटले आहे.
