अक्कलकोट ( प्रतिनिधी )अक्कलकोट तालुक्यातील तोळणूर गावचे रहिवासी श्रीशैल बसवराज चानकोटगी यांनी कर्नाटक राज्य पात्रता परीक्षा (के-सेट) यशस्वीरीत्या उत्तीर्ण केली आहे. कर्नाटक परीक्षा प्राधिकरण, बेंगळुरू यांच्या वतीने नोव्हेंबर २०२५ मध्ये ही परीक्षा घेण्यात आली होती. या परीक्षेत श्री. चानकोटगी यांनी भौतिकशास्त्र (Physical Science) या विषयात उल्लेखनीय यश संपादन केले आहे.
दिनांक १३ एप्रिल २०२६ रोजी केईए कार्यालय, बेंगळुरू येथे त्यांना के-सेट उत्तीर्णतेचे प्रमाणपत्र प्रदान करण्यात आले. शेतकरी कुटुंबातील असलेल्या श्री. चानकोटगी यांनी अत्यंत परिश्रम, चिकाटी आणि जिद्दीच्या जोरावर हे यश मिळवले आहे.
सध्या ते नागरबेट येथे प्राध्यापक म्हणून कार्यरत आहेत. त्यांच्या यशामागे तोळणूरचे डॉ. धानय्या कौटगीमठ सर यांचे विशेष मार्गदर्शन लाभले आहे.
या उल्लेखनीय यशाबद्दल तोळणूर गावाचे सरपंच श्री. मानगुली तसेच सर्व ग्रामस्थांनी श्री. चानकोटगी यांचे अभिनंदन करून त्यांच्यावर शुभेच्छांचा वर्षाव केला आहे. त्यांच्या या यशामुळे संपूर्ण गावात आनंदाचे वातावरण निर्माण झाले आहे.
