करमाळा ( आयुब शेख )- येथील विद्या विकास मंडळ संचलित यशवंतराव चव्हाण महाविद्यालय, करमाळाचा विद्यार्थी शुभम चिखले याची अमरावती येथे होणाऱ्या राज्यस्तरीय आर्चरी स्पर्धेसाठी निवड झालेली आहे. दिनांक ०९/१२/२०२५ रोजी पुणे येथे झालेल्या शालेय विभागीय स्तरीय आर्चरी स्पर्धात यशवंतराव चव्हाण महाविद्यालय, करमाळाचा खेळाडू शुभम राजेंद्र चिखले 19 वर्ष वयोगट मुलांमध्ये विभागातून प्रथम क्रमांकाने विजय प्राप्त करून राज्यस्तरीय स्पर्धेसाठी निवड झालेली आहे. राज्यस्तरीय स्पर्धा जिल्हा क्रीडा संकुल अमरावती येथे दिनांक 17 व 20 डिसेंबर रोजी होणार आहेत. 70 मीटरचे दोन अंतर त्यात 331 व दुसरा राउंड 327 असे दोन राउंडमध्ये एकूण 658 गुण घेऊन प्रथम क्रमांक मिळवून राज्यस्तरीय आर्चरी स्पर्धेसाठी निवड झालेली आहे. या यशस्वी विद्यार्थ्याला महाविद्यालयाचे शारीरिक शिक्षण विभाग प्रमुख प्रा.रामकुमार काळे यांचे मोलाचे मार्गदर्शन लाभले.
या यशाबद्दल विद्या विकास मंडळाचे सचिव विलासराव घुमरे , संस्थेचे अध्यक्ष प्राचार्य मिलिंद फंड , संस्थेचे सहसचिव विक्रमसिंह सुर्यवंशी, महाविद्यालयाचे प्राचार्य डॉ.एल.बी.पाटील, उपप्राचार्य अनिल साळुंखे ,कनिष्ठ विभागाचे उपप्राचार्य संभाजी किर्दाक, वरिष्ठ व कनिष्ठ विभागातील सर्व प्राध्यापक व शिक्षकेतर कर्मचारी यांनी अभिनंदन करून पुढील वाटचालीस शुभेच्छा दिल्या.
