अक्कलकोट ( प्रतिनिधी ) दुधनी नगरपरिषद सार्वत्रिक निवडणुकीत एकूण ७०. ९७ टक्के इतके मतदान झाले आहे. दुधनी येथील १० हजार ९०५ मतदारांपैकी ७ हजार ७३९ मतदारांनी मतदानाचा हक्क बजाविला.
दुधनी नगर परिषद सार्वत्रिक निवडणुकीसाठी दिनांक २ डिसेंबर रोजी मतदान झाले. दुधनी थेट नगराध्यक्ष पदासह २० नगरसेवक पदांसाठी मतदान घेण्यात आले. दुधनीत १६ मतदान केंद्रांवर एकूण दहा हजार ९०५ मतदारांपैकी ७ हजार ७३९ मतदारांनी मतदानाचा हक्क बजावीला. दुधनी नगर परिषद निवडणुकीत ५ हजार ५५४ पुरुष मतदारांपैकी ३ हजार ९८० तर ५ हजार ३५० महिला मतदारांपैकी ३ हजार ७५८ मतदाराने मतदानाचा हक्क बजाविला. दुधनी नगर परिषद निवडणुकीत थेट नगराध्यक्ष पदासाठी पाच उमेदवार निवडणुकीच्या रिंगणात होते. तर नगरसेवक पदाच्या वीस जागांसाठी ५३ उमेदवार उभे होते. या सर्वच उमेदवारांचे भवितव्य मतदान यंत्रात बंद झाले. दुधनी नगरपरिषद सार्वत्रिक निवडणूक निर्णय अधिकारी विनायक मगर यांनी काम पाहिले.दुधनी नगर परिषदेच्या सार्वत्रिक निवडणुकीच्या पार्श्वभूमीवर दुधनी येथे पोलिसांचा चूक बंदोबस्त ठेवण्यात आला होता.
