सामाजिक
हजरत शेख नुरुद्दीन बाबा यांच्या मजारला ( समाधी ) अभिषेक करून ऊर्स उत्सवास प्रारंभ
अक्कलकोट (प्रतिनिधी ) अक्कलकोट येथील सुफी संत ,सर्व धर्मीयांचे श्रद्धास्थान असणारे हजरत शेख नुरुद्दीन बाबा यांच्या मजारला ( समाधी ) अभिषेक करून ऊर्स उत्सवास प्रारंभ करण्यात आला.
यावेळी दिनांक १० ऑगस्ट रोजी रात्री दहा वाजता हजरत शेख नुरुद्दीन बाबा यांच्या मजार ला शेकडो भाविकांच्या उपस्थितीमध्ये अभिषेक करण्यात आले . यावेळी हजरत शेख नुरुद्दीन बाबा यांच्या मजारला ( समाधी ) मोरपिसाऱ्याने स्वच्छता करण्यात आली. यानंतर गुलाब पाण्याने मजार धुण्यात आले. नवीन कापडाने स्वच्छता करून मजारवर अत्तर लावण्यात आले. हजरत शेख नुरूद्दीन बाबा चिस्ती दर्ग्याचे सज्जादा नशीन सय्यदशाह नसिनपाशा पिरजादे यांच्या प्रमुख उपस्थितीमध्ये धार्मिक कार्यक्रम संपन्न झाला. यावेळी मजारला पांढरी गलफ चढविण्यात आली. नंतर रंगीत गलफ घालण्यात आली. यानंतर विधीनंतर भाविक भक्तांना दर्ग्यामध्ये प्रवेश देण्यात आला. हजरत शेख नुरूद्दीन बाबा यांच्या मजार समाधीला भक्तांच्या उपस्थितीमध्ये सादर चढविण्यात आले. यावेळी सज्जादा नशीन व उपस्थितानी कलाम सलाम केले. तसेच यावेळी सज्जादानशीन धर्मगुरू यांची प्रार्थना (फात्याखानी ) झाली. यावेळी शेकडो भाविकांनी दर्शन घेतले. उपस्थित असलेल्या सर्व भाविकांना प्रसादाचे वाटप करण्यात आले. याप्रसंगी हजरत शेख नुरद्दीन बाबा दर्गाहाचे सज्जादानशीन, पुण्याचे स्वामी भक्त नरेश अहिरे ,दर्गाहचे सचिव जैनुद्दीन अश्रफी, नागनहळी आश्रम शाळेचे सचिव जावेद पटेल , राजशेखर कापसे , पंचायत समितीचे अधिकारी मठ , जोशी ,सज्जादानशीन यांचे मोठे बंधू एडवोकेट ए .के. पिरजादे , अहमदपाशा पिरजादे , अडवोकेट अजीमपाशा पिरजादे ,अडवोकेट फहिमपाशा पिरजादे , पिरपाशा पिरजादे ,नदीमपाशा पिरजादे , वशिमपाशा पिरजादे ,आसिफपाशा पिरजादे , नईमपाशा पिरजादे , जासिमपाशा पिरजादे कुमारी अवजा पिरजादे पत्रकार नंदकुमार जगदाळे दाता बळोरगी , सैपन शेख ,कवी होटकर आदींसह शेकडो भाविक भक्त यावेळी उपस्थित होते.
