अक्कलकोट : (प्रतिनिधी) नोबल सोशल वेल्फेअर असोसिएशन अक्कलकोटच्या वतीने दरवर्षीप्रमाणे यावर्षी सामुदायिक विवाह सोहळा मोठ्या दिमाखात आणि उत्साहात संपन्न झाला आहे. दिनांक २० एप्रिल २०२५ रोजी सायंकाळी ठीक ७ वाजता हा विवाह सोहळा आयोजित करण्यात आला होता, या इज्तेमाई शादियां सामुदायिक विवाह सोहळ्यामध्ये ११ वधू-वरांचें लग्न लावण्यात आले. हा विवाह सोहळा अनेक मान्यवरांच्या उपस्थितीत संपन्न झाला.
नोबल सोशल वेल्फेअर असोसिएशन अक्कलकोट इज्तेमाई शादियां सामुदायिक विवाह सोहळ्यास आलेलेल्या नातेवाईकांना आणि सर्व नागरिका साठी विवाह सोहळा संपन्न झाल्यावर दाता पीर दर्गा येथेच जेवणाची व्यवस्था करण्यात आली होती.
संस्थेचे संस्थापक अध्यक्ष हुसेन बळोरगी यानी सामुदायिक विवाह सोहळ्यास विविध क्षेत्रातील उपस्थित असलेल्या मान्यवरांचे स्वागत करून सत्कार केला.
या सोहळ्यात निकाह करणाऱ्या नवदाम्पत्यांना नोबल सोशल वेल्फेअर असोसिएशन अक्कलकोट आयोजकांच्या वतीने कपाट, गादी, पलंग तसेच संसार उपयोगी साहित्य, वर – वधू यांना कपडे, वधूसाठी मणी मंगळसूत्र देण्यात आले.
हजरत दाता पीर दर्गा अक्कलकोट येथे हा विवाह सोहळा हजरत दाता पीर शाह कादरी साहेब यांच्या अध्यक्षते खाली संपन्न झाला.
या सामुदायिक विवाह सोहळ्यास हजरत मस्तुर शाह कादरी,महेश हिडोळे, मिलन कल्याणशेट्टी ,ननु कोरबु,मुत्तु खेडगी,सद्दाम शेरीकर,रजाक सय्यद,मोशीन बागवान ,इरफान दावन्ना,सैपन पठान,फारूक बबर्ची, बुडन तांबोळी, गुलाम दाता बळोरगी,मुबारक कोरबु,आझम शेखजी, मुजमील मुजावर(हैद्रा),रफिक पठाण, मुरतुज बाजे, सोहेल फरास, रशीद खिस्तके, समीर शेख,आलम कोरबु, भैय्या नायकवाडी, नुरद्दिन सोलापूरे,इस्माईल आळंद,सलीम गावंडी आदीसह वधू वरा कडील पाहुणे मंडळी, नागरिक मोठ्या संख्येने उपस्थित होते.
