अक्कलकोट ( प्रतिनिधी ) शिवसेना ग्रंथालय सेलचे प्रदेशाध्यक्ष बी जी देशमुख यांच्या प्रमुख उपस्थितीमध्ये अक्कलकोट येथील श्री शहाजीराजे भोसले वाचनालयात बैठक संपन्न झाले. या बैठकीला शिवसेना ग्रंथालय सेलचे सोलापूर जिल्हा अध्यक्ष देविदास राठोड ,मराठवाडा विभागीय अध्यक्ष दीपक गिरी ,श्री शहाजीराजे भोसले वाचनालयाचे ग्रंथपाल दत्तात्रय बाबर ,सहाय्यक ग्रंथपाल दिनेश शिंपी, प्राध्यापक परमेश्वर आरबळे , शिवसेना ग्रंथालय सेलचे अक्कलकोट तालुका अध्यक्ष बिराप्पा पुजारी, श्रीनिवास सिंदगीकर आदींची यावेळी प्रमुख उपस्थिती होती. यावेळी सोलापूर जिल्हा अध्यक्ष देविदास राठोड यांच्या हस्ते शिवसेना ग्रंथालय सेलचे प्रदेशाध्यक्ष बी जी देशमुख यांचा सत्कार करण्यात आला. याप्रसंगी मार्गदर्शन करताना बी जी देशमुख म्हणाले शिवसेना ग्रंथालय सेल ही राज्याचे उपमुख्यमंत्री एकनाथ शिंदे यांच्या मार्गदर्शनाखाली काम करत आहे. राज्यातील वाचनालय आणि ग्रंथालयाच्या विविध समस्या सोडविण्यासाठी प्रयत्न सुरू आहेत .उपमुख्यमंत्री एकनाथ शिंदे यांचा शब्द हा काळ्या दगडावरील रेष आहे. राज्यातील ग्रंथालय आणि वाचनालयांचे कर्मचारी यांच्या समस्या सोडविण्यासाठी शासन दरबारी शिवसेना ग्रंथालय सेलच्या माध्यमातून पाठपुरावा सुरू आहे अशी माहिती देत वाचनालय आणि ग्रंथालयाच्या विविध प्रश्नांवर बी जी देशमुख यांनी उपस्थित सदस्यांसह चर्चा केली.शिवसेना ग्रंथालय सेलचे सोलापूर जिल्हाध्यक्ष देविदास राठोड यांनी शिवसेना ग्रंथालय सेलचे प्रदेशाध्यक्ष बीजी देशमुख हे राज्यातील वाचनालय आणि ग्रंथालयांच्या विविध समस्या सोडविण्यासाठी काम करत आहेत .उपमुख्यमंत्री एकनाथराव शिंदे यांच्या माध्यमातून अत्यंत चांगल्या प्रकारे शिवसेना ग्रंथालय सेलचे काम सुरू आहे .या सेलच्या माध्यमातून वाचनालय आणि ग्रंथालयाच्या वाढीव अनुदानासंदर्भात तसेच कर्मचाऱ्यांच्या वेतना संदर्भात शासन दरबारी पाठपुरावा सुरू आहे . बीजी देशमुख यांच्या मार्गदर्शनाखाली सर्वांनी सहभागी व्हावे असे आवाहन देविदास राठोड यांनी यावेळी केले. या कार्यक्रमास वैजू मोरे ,संदीप राठोड, सुरेंद्र भोसले , किरणकुमार राठोड , आदि सह वाचनालय व ग्रंथालयाचे कर्मचारी मोठ्या संख्येने उपस्थित होते.
