अक्कलकोट (प्रतिनिधी ) अक्कलकोट येथील सिफा समीर बागवान वय आठ वर्षे या चिमुकलीने शुक्रवार दिनांक १४ मार्च रोजी पहिला रोजा पूर्ण केला. सध्या पवित्र रमजान महिना सुरू असून या महिन्यात मुस्लिम धर्मीय बांधव व महिलावर्ग हा रोजा उपवास करत असतात. अनेक मुस्लिम बांधव हे रमजानचा संपूर्ण महिना हा रोजा उपवास करत असतात. कडक उन्हामुळे अंगाची लाही लाही होत असताना दिवसातील १२ – १३ तास हे अन्न पाण्यावाचून रोजा उपवास पकडून अल्ला चरणी प्रार्थना करीत असतात. सीफा समीर बागवान या आठ वर्षीय चिमुकलीने आपला पहिला रोजा शुक्रवार दिनांक १४ मार्च रोजी पूर्ण केला. सिफा बागवानने रोजा पूर्ण केल्याबद्दल तिचे बागवान परिवाराकडून नवीन कपडे देऊन पुष्पहार घालून सत्कार करण्यात आले. सिफा ही अक्कलकोट बस आगारातील वाहक समीर बागवान यांची कन्या असून सिफाने पहिला रोजा पूर्ण केल्याबद्दल आजी , आई , काका, काकू, भाऊ-बहीण व परिसरातील समाजबांधव तसेच नागरिकांनी तिचे अभिनंदन केले.
