अक्कलकोट ( प्रतिनिधी )भारतीय जनता पक्ष सदस्यता नोंदणी अभियानाअंतर्गत अक्कलकोट विधानसभा मतदारसंघांनी दिलेले ७८ हजार सदस्यांचे लक्ष पूर्ण केले आहे. अक्कलकोट विधानसभा मतदारसंघात भाजपचे
सदस्य नोंदणीचे लक्ष पूर्ण झाल्याबद्दल आमदार तथा भाजपा जिल्हाध्यक्ष सचिन कल्याणशेट्टी यांनी मतदारसंघातील भाजपच्या पदाधिकाऱ्यांचे आणि कार्यकर्त्यांचे हे यश आहे असे म्हणत सर्व पदाधिकारी व कार्यकर्त्याचें आभार मानले.
७८ हजार सदस्य नोंदणीचे लक्ष असताना सद्यस्थितीत अक्कलकोट मतदार संघात ७९ हजार हून अधिक भाजप सदस्यांची नोंदणी झालेली आहे. इतक्या मोठ्या संख्येने सदस्य नोंदणी होण्यासाठी दिवस रात्र भाजपा च्या पदाधिकारी व कार्यकर्त्यानी विशेष प्रयत्न केले. अक्कलकोट शहरात भाजपा युवा नेते मिलन कल्याणशेट्टी यांच्या नेतृत्वाखाली भाजपा सदस्य नोंदणीचे लक्ष पूर्ण करण्यात आले.अक्कलकोट तालुक्यात भाजपाचे ज्येष्ठ पदाधिकारी व कार्यकर्ते यांनी सदस्य नोंदणीसाठी आमदार सचिन कल्याणशेट्टी यांच्या मार्गदर्शनाखाली परिश्रम घेतले.राज्यात अक्कलकोट विधानसभा मतदारसंघ हा भाजपा सदस्य नोंदणीत अव्वल ठरला असून याबाबत भाजपाच्या वरिष्ठ पदाधिकाऱ्यांकडून अभिनंदन करण्यात आले.
