अक्कलकोट ( प्रतिनिधी ):- महाराष्ट्र राज्य राष्ट्रीय समाज पक्ष आयोजित नव्याने नवनियुक्त करण्यात येणाऱ्या पदाधिकारी य नियुक्ती कार्यक्रम व नियुक्ती झालेल्या नवनिर्वाचित पदाधिकारी यांचा जाहीर सत्कार समारंभ सोहळा फलटण येथील महाराजा मंगल कार्यालय येथे शनिवारी आयोजित करण्यात आले होते. या कार्यक्रमास केंद्रीय संघटक बाळकृष्ण लेंगरे मामा, केंद्रीय मुख्य महासचिव कुमार सुशिल पाल यांची प्रमुख उपस्थितीत होती. यावेळी महाराष्ट्र प्रदेश सचिवपदी अक्कलकोट तालुक्याचे भावी आमदार सुनील बंडगर यांची नियुक्ती करण्यात आली. राष्ट्रीय समाज पक्षाचे महाराष्ट्र प्रदेश अध्यक्ष काशिनाथ नाना शेवते, मुख्य महासचिव माऊली नाना सलगर याप्रसंगी केंद्रीय संघटक बाळकृष्ण लेंगरे मामा, केंद्रीय मुख्य महासचिव कुमार सुशिल पाल यांच्या प्रमुख उपस्थितीत त्यांना नियुक्तीचे पत्र देण्यात आले. यावेळी प्रदेश उपाध्यक्ष प्रल्हाद पाटील, आबा मोटे, पश्चिम महाराष्ट्र संपर्क प्रमुख विनायक मामा रुपनवर, मराठवाडा विभाग अध्यक्ष अश्रुबा कोळेकर, पश्चिम महाराष्ट्र माजी युवक आघाडीचे अध्यक्ष अजितकुमार पाटील, सतीश बुजुरके, दत्तात्रय माडकर, उमेश काळे यांच्या सह आदी पदाधिकारी व कार्यकर्ते मोठ्या संख्येने उपस्थित होते.
यावेळी नवनियुक्त प्रदेश सचिव सुनिल बंडगर यांनी बोलताना सांगितले की राष्ट्रीय समाज पक्ष महाराष्ट्र राज्यात संघटन वाढविण्यासाठी सर्व विभागीय अध्यक्ष यांना विश्वासात घेऊन येणाऱ्या स्थानिक स्वराज्य संस्थांच्या निवडणुकीत राष्ट्रीय समाज पक्ष सत्तेत आणण्यासाठी प्रयत्न करणार असल्याचे सांगितले.
