शिवसेना आमदार मनीषा कायंदे यांचा अक्कलकोट कामगार सेना व महिला आघाडीतर्फे  सत्कार

अक्कलकोट ( प्रतिनिधी ) सोलापूर येथे शिवसेनेच्या आमदार मनीषा कायंदे यांचा अक्कलकोट तालुका शिवसेना कामगार सेना व अक्कलकोट शहर शिवसेना महिला आघाडीच्या वतीने सत्कार करण्यात आला. शिवसेनेच्या आमदार मनीषा कायंदे या बोरामणी (तालुका दक्षिण सोलापूर ) येथे शिवसेना महिला आघाडी तर्फे आयोजित करण्यात आलेल्या महिला संवाद मेळाव्यासाठी आल्या होत्या. यावेळी आमदार मनीषा कायंदे यांचा शिवसेना कामगार सेना अक्कलकोट तालुकाप्रमुख स्वामीनाथ हेगडे अक्कलकोट शहर शिवसेना महिला आघाडी प्रमुख वैशाली हावनूर यांच्या हस्ते सत्कार करण्यात आला. आमदार मनीषा कायंदे यांना मकर संक्रांति सणाच्या शुभेच्छा देण्यात आल्या. याप्रसंगी शिवसेना कामगार सेना जिल्हाप्रमुख सायबाण्णा तेगेळी ,कामगार सेना सचिव शिवानंद कट्टीमनी , वर्षा म्हेत्रे कामगार सेना शहर उपप्रमुख आकाश बबलाद ,गंगाबाई स्वामी आदींसह शिवसेना पदाधिकारी ,महिला पदाधिकारी मोठ्या संख्येने उपस्थित होते.