अक्कलकोट ( प्रतिनिधी )
अक्कलकोट तालुक्यातील उडगी ते तोळणूर हा रस्ता खराब झाला असून रस्त्यातील खडी उखडली आहे .सदरचा रस्ता हा दुरुस्त करून उडगी व तोळणूर ग्रामस्थांना न्याय द्यावा अशी मागणी उडगी व तोळणूर ग्रामस्थांकडून केली जात आहे. आमदार सचिन कल्याणशेट्टी यांनी या रस्त्यासाठी निधी मंजूर केला आहे. पण ठेकेदाराकडून हा रस्ता अर्धवट बनवून काम थांबविण्यात आले आहे. सदरचा अर्धवट रस्ता दुरुस्त करून उडगी व तोळणुर भागातील शेतकरी व नागरिकानां न्याय द्यावा अशी मागणी केली जात आहे.
अक्कलकोट ते तोळणूर हे अंतर बासलेगाव – उडगी मार्गे १६ किलोमीटरचे आहे .तर नागणसूर मार्गे २३ किलोमीटरचे आहे. सध्या उडगी मार्गे तोळणूर या ठिकाणचा रस्ता खराब झाला असून रस्त्यावर खड्डे पडले आहेत. या रस्त्यावरील खडी पूर्णपणे उखडली आहे. उडगी मार्गे तोळणूर हा कमी अंतराचा रस्ता खराब झाल्याने या मार्गावरून वाहतूक पूर्णपणे बंद आहे. रस्त्याची मोठी दुरावस्था झाल्याने वाहन चालकांना मोठी कसरत करावी लागत आहे .या रस्त्यावरून दुचाकी वाहन चालविणे म्हणजे अपघाताला आमंत्रण देण्यासारखे आहे. उडगी ते तोळणूर रस्ता हा दुरुस्त करून या मार्गे बस गाडी सोडण्यात यावी अशी मागणी तोळणूर ग्रामस्थांनी केली आहे. अक्कलकोट बासलेगाव ते तोळणूर हे अंतर कमी असून हे १६ किलोमीटरचे आहे. तर अक्कलकोट ते नागणसूर -तोळणूर हे अंतर २३ किलोमीटरचे आहे. अक्कलकोट – बासलेगाव ते तोळणूर हे अंतर कमी असल्याने नागरिकांचा तसेच शालेय विद्यार्थ्यांचा वेळ वाचणार आहे. आमदार सचिन कल्याणशेट्टी यांनी उडगी – तोळणूर रस्त्यासाठी निधी मंजूर केला होता. या रस्त्याचे काम ठेकेदाराकडून अर्धवट करण्यात आले आहे.
संबंधित सार्वजनिक बांधकाम विभागाने तसेच लोकप्रतिनिधी यांनी नागरिकांच्या सोयीसाठी सदरचा रस्ता दुरुस्त करावा अशी मागणी ग्रामस्थांकडून केली जात आहे.
