अक्कलकोट ( प्रतिनिधी )हनुमान जन्मोत्सवानिमित्त अक्कलकोट तालुक्यातील गौडगाव बुद्रुक येथील जागृत मारूती मंदिरात विविध कार्यक्रमाचे आयोजन करण्यात आल्याची माहिती जागृत मारुती मंदिर समिती अध्यक्ष श्रीकांत खानापूरे यांनी दिली.
यावेळी बुधवार दिनांक
१ एप्रिल रोजी संध्याकाळी गावातील विविध भजनामंडळी कडून भजन संध्या व जेऊर येथील प्रसिद्ध कीर्तनकार पांडुरंग महाराज यांच्या रसाळ वाणीतून हनुमान चरित्रावर कीर्तन कार्यक्रम होणार आहे. गुरुवार
दिनांक २ एप्रिल रोजी पहाटेपासून विविध धार्मिक कार्यक्रम होमहवन, रुद्राभिषेक नवग्रह पूजा, गणेशोत्सव , शंकर-पार्वती महापूजा होणार आहे.
सकाळी ६.३४ वाजता हनुमान जन्मोत्सव मारुतीचा पाळणा कार्यक्रम होणार आहे .
सकाळी ७.२० वाजता ढोल ताशा बँजो चिट हलगी या विविध वाद्य वृंदासह व सुवासिनी सह पालखी उत्सव गावातील प्रमुख मार्गावरून परिक्रमा मिरवणूक होणार आहे .
सकाळी ६.३४ ते रात्री ८ वाजेपर्यंत जागृत मारुती भक्ताकडून स्वादिष्ट महाप्रसादाची व्यवस्था करण्यात आली आहे. तसेच रक्तदान शिबीराचे आयोजन करण्यात आले आहे.
शुक्रवार दिनांक ३ एप्रिल रोजी मद्री तालुका अलमेल येथील भागना तळवार कर्नाटक राज्य प्रशस्ती पुरस्कार विजेते व सह कलाकाराकडून तसेच बाळीगेरी तालुका अथणी येथील श्रीमती लक्ष्मीबाई कन्नूर व सहकलाकार यांच्याकडून हरदेशी नागेशी सवाल जवाब हाडेकी चा कार्यक्रम संगीतमय मनोरंजनात्मक गायन वादनातून होणार आहे .
संध्याकाळी ४ वाजता परिसरातील मल्लाकडून जंगी कुस्त्या होणार आहेत सर्व पैलवानांनी यामध्ये सहभागी व्हावे.शनिवार दिनांक ४ एप्रिल रोजी सकाळी आठ ते पाच या वेळेत पुन्हा वरील कलाकार व सह कलाकारा मार्फत गीगी पदा हाडेकी गायन वादन कार्यक्रम होणार आहे व दिवसभर महाप्रसादाचे आयोजन करण्यात आले आहे.
संध्याकाळी ७ ते ९ या वेळेत जागृत मारुतीच्या पटांगणात नयनरम्य शोभेचे दारूकाम होणार आहे . सर्व भक्तांनी दर्शनाचा व महाप्रसादाचा लाभ घ्यावा असे आवाहन जागृत मारुती मंदिर देवस्थान कडून करण्यात आले आहे.
चौकट –
ज्या भक्तांना हनुमान जन्मोत्सवानिमित्त अभिषेक, रुद्राभिषेक नवग्रहपूजा, इत्यादी धार्मिक कार्यक्रमात व महाप्रसादांमध्ये सहभागी व्हायचे आहे त्यांनी विश्वस्त कमिटीकडे संपर्क साधावा असे आवाहन अध्यक्ष श्रीकांत खानापुरे व विश्वस्त मंडळ यांनी केले आहे.
संपर्क क्रमांक.. ९८२२५४८६६९ , ८६९८७७८६५१ 
