परंडा ( फारूक शेख )परंडा येथील प्रीतम मंगल
कार्यालयासमोर उभा असलेल्या एका टेंम्पोवर MH 45 . AF 5121 यवर महावितरणचा विजेचा पोल कोसळल्याने भीषण अपघात झाला. या घटनेत टेंम्पोचे मोठ्या प्रमाणावर नुकसान झाले असून, सुदैवाने कोणतीही जीवितहानी झालेली नाही.
मिळालेल्या माहितीनुसार, प्रीतम मंगल कार्यालयासमोर एक मालवाहू टेंम्पो उभा होता. यावेळी अचानक महावितरणचा विद्युत खांब या वाहनावर कोसळला. खांब पडल्याने टेंम्पोच्या केबिनचा आणि वरील भागाचा चक्काचूर झाला आहे. ही घटना घडली तेव्हा वाहनात किंवा जवळ कोणीही नसल्याने मोठा अनर्थ टळला.
महावितरणच्या कारभारावर प्रश्नचिन्ह:
हा पोल जुना किंवा खिळखिळा झाला होता का, याबाबत स्थानिक नागरिकांमध्ये चर्चा सुरू आहे. या घटनेमुळे परिसरात काही काळ खळबळ उडाली होती. महावितरणच्या अशा प्रकारच्या दुर्लक्षामुळे भविष्यात मोठी दुर्घटना घडू शकते, अशी भीती व्यक्त करत नागरिकांनी संताप व्यक्त केला आहे.
बाधित वाहनधारकाने नुकसान भरपाई मिळण्याची मागणी केली असून, महावितरण यावर काय भूमिका घेते याकडे सर्वांचे लक्ष लागले आहे.
