अक्कलकोट ( प्रतिनिधी )
महाराष्ट्र शासन आणि पर्यावरण व वातावरणीय बदल विभाग यांच्या सयुक्त विद्यमाने मुबंईतील वरळी येथील लाला लजपत राय मार्गावरील सरदार वल्लभभाई पटेल स्टेडियम येथे आयोजित करण्यात आलेल्या ‘माझी वसुंधरा अभियान सन्मान सोहळा – 5.0’ या कार्यक्रमास उपस्थित राहण्याचा सन्मान मिळाला!
आपल्या अक्कलकोट नगरपरिषदेला महाराष्ट्रात द्वितीय क्रमांकाचे व भूमी घटकास विशेष पारितोषीक व उंच उडी प्रकारात पारितोषीक मिळाले आहे. यात सन्मानचिन्ह, मानपत्र आणि सहा कोटी पन्नास लाख रुपयांच्या धनादेशाचा समावेश होता!
अक्कलकोट नगरपरिषदेचे नागरिक, प्रशासनाचे अधिकारी आणि पदाधिकारी यांच्या संयुक्त प्रयत्नांमुळेच हे शक्य झाले. कार्यक्रमाला महाराष्ट्र राज्याचे राज्यपाल महामहिम आचार्य देवव्रत, उपमुख्यमंत्री श्रीमती सुनेत्रा अजित पवार, विधानसभा अध्यक्ष राहुल नार्वेकर, महाराष्ट्राच्या पर्यावरण मंत्री पंकजा मुंडे, राज्याच्या मुख्य सचिव जयश्री भोज, आयुक्त प्रवीण देवरे, राज्यपाल सहसचिव .राममुर्ती, अक्कलकोट नगरपरिषदेचे नगराध्यक्ष मिलन कल्याणशेट्टी ,मुख्याधिकारी . रमाकांत डाके, उपनगराध्यक्ष ऋतुराज राठोड, मध्य मंडलचे अध्यक्ष . प्रदिप पाटील, . प्रशांत भगरे, विशाल चव्हाण, . नितीन शेंडगे, भागवत पवार,. शुभम माने उपस्थित होते.
