राजकीय
दुधनी नगरपरिषद निवडणुकीसाठी पालकमंत्री जयकुमार गोरे यांची जाहीर प्रचारसभा संपन्न
अक्कलकोट ( प्रतिनिधी )
दुधनी नगरपरिषद निवडणुकीच्या पार्श्वभूमीवर भारतीय जनता पक्षाचे नगराध्यक्ष पदाचे अधिकृत उमेदवार . अतुल मेळकुंदे यांच्यासह सर्व नगरसेवक पदाच्या उमेदवारांच्या प्रचारार्थ ग्रामविकास मंत्री तथा पालकमंत्री जयकुमार गोरे यांची जाहीर सभेस संपन्न झाली. . यावेळी दुधनी शहराच्या विकासाबाबत त्यांनी मार्गदर्शन करत आगामी नगरपरिषदेवर भाजपा-महायुतीची सत्ता आणण्यासाठी सर्व कार्यकर्त्यांनी एकजुटीने काम करण्याचे आवाहन केले.
तसेच भाजपा सरकारकडून दुधनीच्या विकासाला लागणारा निधी आणि आवश्यक योजनांना प्राधान्य दिले जाईल, असे आश्वासन दिले. दुधनीच्या शाश्वत विकासासाठी सक्षम नेतृत्व, पारदर्शक कामकाज आणि ठोस निर्णयक्षमतेची गरज असल्याचे त्यांनी अधोरेखित केले. त्यामुळे दुधनीच्या सर्वांगीण विकासासाठी भाजपा उमेदवारच सक्षम नेतृत्व देऊ शकतील असे प्रतिपादन आमदार सचिन कल्याणशेट्टी यांनी केले.
या कार्यक्रमास शहाजी पवार, अप्पू परमशेट्टी, . महेश बिराजदार, महेश पाटील, . शंकर भांजी, बसवराज हौदे, बाबा टक्कळकी, . सिद्धाराम बाके, . मल्लिकार्जुन झळकी, . महादेव पाटील, जगन्नाथ जाधव, प्रदीप पाटील, अप्पू बिराजदार, बसवराज परामशेट्टी, सैदप्पा परामशेट्टी यांच्यासह उमेदवार, पदाधिकारी व कार्यकर्ते मोठ्या संख्येने उपस्थित होते.
