राजकीय
डोंबरजवळगे येथील गजानन जकिकोरे यांची युवक काँग्रेसच्या तालुका उपाध्यक्षपदी निवड
अक्कलकोट ( प्रतिनिधी )
डोंबरजवळगे गावचे सुपुञ व युवक काॅंग्रेस नेते गजानन जकिकोरे यांची अक्कलकोट तालुका युवक काॅंग्रेस उपाध्यक्ष पदी निवड करण्यात आली. यावेळी निवडीचे पञ सोलापुर जिल्हा काॅंग्रेस कमिटीचे अध्यक्ष सातलिंग शटगार यांच्या शुभहस्ते देण्यात आले. याप्रसंगी अक्कलकोट काॅंग्रेस तालुका अध्यक्ष तथा माकेॅट कमिटी संचालक मल्लिकार्जुन पाटील ,काॅंग्रेस नेत्या डाॅ सुर्वणा मलगोंडा,काॅंग्रेस नेते अरुण जाधव,अक्कलकोट तालुका काॅंग्रेस उपाध्यक्ष हर्षदिप गायकवाड,युवक काॅंग्रेसचे तालुकाअध्यक्ष निशांत कवडे व इतर मान्यवर उपस्थित होते.
यावेळी बोलताना तालुका अध्यक्ष मल्लिकार्जुन पाटील म्हणाले , काॅंग्रेस पक्ष युवकांना मोठ्या प्रमाणावर संधी देत आहे. आगामी काळात युवकांची काॅंग्रेस पक्षात मोठी फौज उभारु करु. डोंबरजवळगे गावात तालुक्यातील दोन महत्वाची पदे देण्यात आली आहेत. तालुका उपाध्यक्ष म्हणून हर्षदिप गायकवाड यांची अगोदरच नियुक्ती झाली आहे. युवक काॅंग्रेस तालुका उपाध्यक्ष गजानन जकिकोरे यांची निवड करण्यात आली असुन आगामी पंचायत समिती व जि प निवडणुकीत चपळगाव गटात काॅंग्रेसचा विजयी झेंडा फडकावावा असे आवाहन काॅंग्रेस तालुका अध्यक्ष मल्लिकार्जुन पाटील यांनी केले. सर्व नवनियुक्त पदाधिकार्यांना शुभेच्छा दिल्या.
गजानन जकिकोरे हे तंटामुक्त समितीचे माजी अध्यक्ष ,उपाध्यक्ष आहेत.डोंबरजवळगे काॅंग्रेस कमिटी अध्यक्ष असून अक्कलकोट तालुका युवक काॅंग्रेस उपाध्यक्ष म्हणून गजानन जकिकोरे यांची निवड करण्यात आली. या निवडी बद्दल त्यांचे सर्वच स्तरातून अभिनंदन केले जात आहे.
