अक्कलकोट : (प्रतिनिधी)
येथील श्री स्वामी समर्थ अन्नक्षत्र मंडळाचे उपाध्यक्ष अभय खोबरे यांची अक्कलकोट लायन्स क्लबच्या लायनेस्टिक वर्ष २०२५-२०२६ च्या नूतन अध्यक्षपदी निवड करण्यात आली. नूतन सचिवपदी शिरीष पंडित तर नूतन खजिनदारपदी विठ्ठल तेली यांची बिनविरोध निवड करण्यात आली.
अक्कलकोट लायन्स क्लबच्या नूतन पदाधिकारी निवडीची बैठक नुकतीच अक्कलकोट लायन्स क्लबच्या सभागृहात झाली. या बैठकीच्या अध्यक्षांनी मावळते अध्यक्ष शिवानंद नंदर्गी होते. याप्रसंगी मावळते सचिव सुधीर माळशेट्टी व मावळते खजिनदार डॉ.सुनील बिराजदार उपस्थित होते. याप्रसंगी नूतन पदाधिकाऱ्यांच्या निवडी एकमताने करण्यात आल्या. लायन्स क्लबचे प्रथम उपाध्यक्ष म्हणून पत्रकार चेतन जाधव,द्वितीय उपाध्यक्ष कल्याणी आळगी तर तृतीय उपाध्यक्षपदी राजू कारीमुंगी यांची बिनविरोध निवड करण्यात आली.
नूतन पदाधिकारी निवडीच्या या बैठकीस माजी प्रांतपाल राजशेखर कापसे,झोन चेअरमन मल्लिकार्जुन मसुती,लायन्स स्कूल कमिटीचे चेअरमन राजेंद्र हत्ते,व्हाईस चेअरमन सुभाष गडसिंग, शाळेचे सचिव शिवशंकर खुबा,ज्येष्ठ लायन प्रभाकर मजगे,शिवपुत्र हळगोदे,मल्लिनाथ साखरे,डॉ.प्रदीप घीवारे,बाबासाहेब निंबाळकर, चंद्रकांत वेदपाठक,शदीद वळसंगकर,गौरीशंकर चनशेट्टी,राजु कारीमुंगी,संतोष जिरोळे,महेश हिंडोळे,महिबुब सलगरकर,सिद्धया मठ,राजू हिप्परगी,सुभाष खमितकर,कमल अल्लोळी,अभिनंदन गांधी,मंदारमहाराज पुजारी आदी उपस्थित होते.
नूतन अध्यक्ष अभय खोबरे यांनी लायनेस्टिक वर्षात अनेक सामाजिक उपक्रम राबवून लोकांची सेवा करण्याचा प्रयत्न करणार असल्याचे मनोगत याप्रसंगी व्यक्त केले.
