अक्कलकोट ( प्रतिनिधी )अक्कलकोट येथे सकल हिंदू समाजाकडून अक्कलकोट बस स्थानक वाल कंपाऊंडमधून पायवाट सोडण्याच्या मागणीला विरोध करत गुरुवारी जनआक्रोश मोर्चा काढण्यात आला. या जन आक्रोश मोर्चात अक्कलकोट विरक्त मठाचे प्रमुख बसवलिंग महास्वामी , नीलकंठ महास्वामी, आमदार सचिन कल्याणशेट्टी , आमदार गोपीचंद पडळकर ,आमदार देवेंद्र कोठे ,आमदार संग्राम जगताप आदींची प्रमुख उपस्थिती होती.
प्रारंभी छत्रपती शिवाजी महाराज चौक बस स्थानक परिसरातून भव्य असा हिंदू जन आक्रोश मोर्चा काढण्यात आला. बस स्थानकासमोरील श्री मल्लिकार्जुन मंदिरा लगतच्या मैदानात सायंकाळी जाहीर सभा घेण्यात आली. याप्रसंगी आमदार गोपीचंद पडळकर यांनी वादग्रस्त रस्ता कायमस्वरूपी बंद करा. मुख्यमंत्री देवेंद्र फडणवीस यांच्या प्रयत्नाने राज्यातील विविध ठिकाणचे अतिक्रमण हटवले जातील. अक्कलकोट एसटी स्टँड पाठीमागील अतिक्रमण सुद्धा उद्धवस्त होणार आहे. त्यामुळे वादग्रस्त रस्ता देण्याचा प्रश्न येत नाही असे प्रतिपादन केले .आमदार सचिन कल्याणशेट्टी यांनी देश विदेशातील स्वामीभक्त व स्थानिकांच्या सोयीसाठी बस स्थानक होत आहे. बस स्थानकाचे काम अडवले कोर्टकचेरी केली. बस स्थानक पाठीमागील दुकाने अतिक्रमण जागेत आहेत. या अगोदर अक्कलकोट तालुक्यात वादग्रस्त स्टेटस ठेवून अनेक वादंग केले. या पुढील काळात असे झाल्यास यापेक्षा मोठ्या मोर्चा काढला जाईल. बस स्थानकाच्या पाठीमागे पायवाट सोडली जाणार नाही. अक्कलकोट शहरातील बस स्थानक परिसरात काही जिहादी प्रवृत्तींकडून पायवाटीसाठी जागा मागणे म्हणजे अतिक्रमण असून, शासकीय जमिनीवर घुसखोरी करण्याचा प्रकार सुरू आहे. यामुळे हिंदू बहिणींच्या सुरक्षिततेला मोठा धोका निर्माण होत आहे. श्री स्वामी समर्थांच्या भूमीत होत असलेल्या लँड जिहादचा कट यशस्वी होऊ न देण्यासाठी आम्ही कटिबद्ध आहे. सर्व हिंदू बांधवांनी एकजुटीने याचा विरोध करण्याचे आवाहन यावेळी केले. यावेळी आमदार देवेंद्र कोठे , आमदार संग्राम जगताप आदींनी मार्गदर्शन केले. या जन आक्रोश सभेस माजी नगरसेवक महेश हिंडोळे आनंद तानवडे ,मोतीराम राठोड ,माजी नगरसेवक मिलन कल्याणशेट्टी , प्रदीप पाटील , ऋषी लोणारी , भाजपा जिल्हाध्यक्ष चव्हाण आदींच हिंदू बांधव मोठ्या संख्येने उपस्थित होते.
