अक्कलकोट ( प्रतिनिधी )
अक्कलकोट येथील नाभिक समाजाचे ज्येष्ठ नेते नरसिंगराव क्षीरसागर यांच्या ७५ वा वाढदिवस दिनांक १५ जून रोजी मोठ्या उत्साहात साजरा करण्यात आला. यावेळी अक्कलकोट तालुक्याचे विद्यमान आमदार सचिन कल्याणशेट्टी श्री स्वामी समर्थ अन्नछत्र मंडळाचे संस्थापक अध्यक्ष जन्मेजयराजे भोसले , वटवृक्ष स्वामी महाराज देवस्थानचे चेअरमन श्री महेश इंगळे श्री स्वामी समर्थ अन्नछत्र मंडळाचे कार्यकारी अध्यक्ष अमोलराजे भोसले ,भास्करराव महात्मे एडवोकेट गोवा राज्य , विजयसिंह यादव कराड , अविनाश मडीखांबे , उत्तम गायकवाड , महेश हिंडोळे , अन्नछत्र मंडळाचे सचिव शामराव मोरे, बाळा शिंदे आदीचीं प्रमुख उपस्थिती होती.
यावेळी विशेष उपस्थिती कोल्हापूर येथील श्री रामानंद संजय पुजारी गुरुजी (जुना आखाडा) यांची होती.यावेळी त्यांचे चिरंजीव अविनाश क्षिरसागर आणि अनंत क्षीरसागर यांनी आपले मनोगत व्यक्त केले. ते म्हणाले की आमच्या वडिलांचा ७५ वा वाढदिवस साजरा करण्याचा योग आला आणि हा केवळ एक साधा सोहळ्याकरता मर्यादित राहू नये तो कायमस्वरूपी लक्षात असावा असं वाटलं. त्यामुळे आम्ही हा वाढदिवस करण्याचा निर्णय घेतला. वडिलांनी संपूर्ण आयुष्य कुटुंबासाठी समर्पित केले त्यांच्या काळात त्यांनी आमच्या काकांचा आत्यांचा सगळ्यांचा संभाळ केला.
अनेक कठीण प्रसंग आले पण ते डगमगले नाहीत असे सांगितले. यावेळी आमदार सचिन कल्याणशेट्टी , जन्मेजयराजे भोसले यांच्या हस्ते नरसिंगराव क्षीरसागर यांचा सत्कार करण्यात आला.
या कार्यक्रमास अक्कलकोट शहरातील विविध पक्षाचे नेते , माजी नगरसेवक , सामाजिक कार्यकर्ते तसेच क्षीरसागर परिवारावर प्रेम करणारे असंख्य मित्रपरिवारातील सदस्य उपस्थित होते.
