सामाजिक
वंचित बहुजन आघाडीच्या वतीने अक्कलकोट नगर परिषदेचे मुख्याधिकारी रमाकांत डाके यांना निवेदन
अक्कलकोट (प्रतिनिधी)-अक्कलकोट शहरातील फत्तेसिंह चौकात अगदी श्री स्वामी समर्थ मंदिराच्या बाजूला श्री स्वामी समर्थ भक्तांना सर्व सोयी सुविधा मिळाव्या यासाठी श्रीमंत विजयसिंहराजे भोसले व्यापारी संकुलन साईट क्रमांक ४२ शॉपिंग सेंटर उभारण्यात आले असून भाडेतत्त्वावर नगरपरिषद ने ते व्यापार संकुलन साईट देण्यात आले आहे. नगरपरिषद आणि संबंधित व्यक्तीच्या मध्ये करारनामा झाला असून या करारनामाची मोडतोड करून अवैद्यरित्या त्या ठिकाणी बांधकाम चालू आहे. भक्तांना सोयीसाठी मुतारी ,संडास असताना सुद्धा ते पाड काम करून त्या ठिकाणी वेगळेच बांधकाम चालू आहे. या गैरप्रकारची चौकशी व्हावी संबंधितावर गुन्हा दाखल व्हावा या मागणीसाठी गुरुवारी वंचित बहुजन आघाडी अक्कलकोटच्या वतीने मुख्याधिकारी रमाकांत डाके यांना निवेदन देण्यात आले. सदर ठेकेदाराविरोधात कारवाई नाही झाली तर नगर परिषदेच्या समोर अतिशय तीव्र स्वरूपाचा आंदोलन करण्याचा इशारा जिल्हाध्यक्ष चंद्रशेखर मडीखांबे यांनी दिले. याप्रसंगी सम्यक विद्यार्थी आंदोलन राज्य प्रवक्ते रवीराज पोटे, शहराध्यक्ष विशाल ठोंबरे , तालुका संघटक बबन गायकवाड, शहर उपाध्यक्ष शिवाजी चौगुले , रोहित साळे माणिक गायकवाड , गजदाने आदी कार्यकर्ते उपस्थित होते.
